Aktualitet

Ngelet mister zhdukja e 26- vjeçarit Mateo Lika, ndërpriten kërkimet në lumin Seman

Mjeti dyshohet se u përplas me parmakët e urës së Mbrostarit e më pas dyshohet të ketë rënë në Seman.

17 Janar 2023, 14:17 Nga a.l
Ngelet mister zhdukja e 26- vjeçarit Mateo Lika, ndërpriten
Lumi Seman

FIER- Kërkimet në ujërat e lumit Seman në të tretën ditë radhazi për të gjetur trupin e 26- vjeçarit Mateo Lika, janë ndërprerë. Polumbarët dhe RENEA kërkuan sot me orë të tëra duke përdorur mjete të sofistikuara por nuk arritën të gjenin automjetin apo shenja të mjaftueshme për të çuar në prova konkrete se makina  tip 'Golf' ka rënë në ujë. 

Mjeti dyshohet se u përplas me parmakët e urës së Mbrostarit e më pas dyshohet të ketë rënë në Seman. Kjo hipotezë u ngrit pasi parmakët u gjetën të shkatërruar, por situata mbetet e paqartë pasi nuk ka asnjë gjurmë, as nga mjeti dhe as nga 26-vjeçari. Nuk dihet saktësisht nëse automjeti ka rënë në ujërat e lumit Seman, apo është larguar nga aty pas përplasjes me urën.Policia po heton në të dyja pistat, ndërsa kontrollet do të vijojnë si në ujërat e lumit Seman ashtu edhe në zonat përreth. Mjeti ishte marrë me qira, por nuk ka pasur GPS dhe nga kamerat e sigurisë nuk arrihet të identifikohet qartë lëvizja e 26-vjeçarit. Deri tani nuk është bërë denoncim tjetër dhe kjo i bën autoritetet të mendojnë se Mateo Lika udhëtonte i vetëm./ Dosja.al

mateo lika

Sondazh

Poll

MË SHUMË