Aktualitet

U kapën duke transportuar 5 emigrantë të paligjshëm, arrestohen 2 vëllezër në Himarë

Ndërkohë, po vijon puna për identifikimin e personave të tjerë të implikuar në këtë veprimtari kriminale.

15 Janar 2023, 17:49 Nga a.l
U kapën duke transportuar 5 emigrantë të paligjshëm,
POLICIA

SHKODËR- Dy vëllezër me banim në Shkodër kanë rënë në prangat e policisë, pasi janë kapur duke transportuar kundrejt fitimit, 5 emigrantë, për të kaluar kufirin. Policia njofton se bëhet fjalë për personat e identifikuar me inciale Ç. B., 39 vjeç dhe D. B., 43 vjeç të cilët u kapën në flagrancë, në fshatin Lukovë, Himarë, duke transportuar me automjetin tip “Hyundai”. Ndërkohë, po vijon puna për identifikimin e personave të tjerë të implikuar në këtë veprimtari kriminale.

NJOFTIMI I PLOTË I POLICISË:

Vijojnë goditjet e njëpasnjëshme ndaj veprimtarisë kriminale në fushën e dhënies ndihmë shtetasve të huaj, për kalim të paligjshëm të kufirit, kundrejt fitimit.

Finalizohet me sukses operacioni policor i koduar “Lukova”.

Transportonin kundrejt fitimit, 5 emigrantë, për të kaluar kufirin, në kundërshtim me ligjin, arrestohen në flagrancë 2 shtetas (vëllezër).

Specialistët për Hetimin e Trafiqeve të Paligjshme dhe Narkotikëve të DVP Vlorë, në vijim të punës me fokus parandalimin dhe goditjen e veprimtarisë kriminale të dhënies ndihmë kundrejt fitimit, emigrantëve nga vendet e treta, me qëllim kalimin e paligjshëm të kufirit, bazuar dhe në informacionet e siguruara nëpërmjet inteligjencës informative, kanë organizuar dhe finalizuar me sukses operacionin policor “Lukova”, si rezultat i të cilit u arrestuan në flagrancë shtetasit:

-Ç. B., 39 vjeç dhe D. B., 43 vjeç (vëllezër), banues në Shkodër.

Këta shtetas u kapën në flagrancë, në fshatin Lukovë, Himarë, duke transportuar me automjetin tip “Hyundai”, kundrejt fitimit, 5 emigrantë, me qëllim kalimin e paligjshëm të kufirit.

Vijon puna për identifikimin e personave të tjerë të implikuar në këtë veprimtari kriminale.

Materialet i kaluan Prokurorisë pranë Gjykatës së Shkallës së Parë Vlorë, për veprën penale “Ndihma për kalim të paligjshëm të kufijve”, kryer në bashkëpunim.

arestime ne shkoder

Sondazh

Poll

MË SHUMË