Aktualitet

'Gruaja ka punuar te të gjitha zyrtarët'/ Spartak Dobi: Vajza më thotë mos u ndaj, djalin e kam flori, s'ka faj

Burri ka theksuar se në këtë histori faj ka bashkëshortja, ndërsa kërkon lirimin e djalit.

9 Janar 2023, 11:14 Nga A.B
'Gruaja ka punuar te të gjitha zyrtarët'/ Spartak Dobi:
Spartak Dobi

TIRANË- Bashkëshorti i Rozeta Dobit ka folur për “News24” në lidhje me arrestimin e gruas dhe djalit. Spartak Dobi ka thënë se nuk kishte dijeni për grabitjen që kishte kryer bashkëshortja Rozeta dhe djali Havier Dobi. Ai ka theksuar se në këtë histori faj ka bashkëshortja, ndërsa kërkon lirimin e djalit.

PJESË NGA INTERVISTA:

Spartak Dobi: Ka punuar te të gjitha zyrtarët. E merrnin, pastruese e mirë, nuk e di si e ka pasur se nuk ka vjedhur ndonjëherë. Më vjen keq për djalin se e kam pasur flori. Jam pendu që nuk e kam pyetur djalin për makinat ku i mori. 

Kur ka qënë me mu është sjellë mirë, tani bëri gabimin të dënohet. Ku i gjeti paret ajo? Eshtë e kuptueshme, ku i mori, kush ia dha celësin të hapte kasafortën. 

Pyetje: Gruaja juaj ka marrë kasafortën?

Spartak Dobi: Nuk e di, s'më tha gjë. Në çantë i kishte fshehur, 2 topa ishin. Nuk e di kush ia ka futur te tubi i aspirimit, mos ishin vëllezërit. Nëse ju mediat më ndihmoni me djalin ua di për nder. Se unë jetoj vetëm, vajza ka burrin. Vajza më ka thënë babi mos e ndaj. I thashë rri mirë me burrin tat, hajde ktu çelësin e ke. 

Kur takova djalin isha vetëm. E kishte marrë vesh që kisha ardhur unë dhe më tha pse se lini babin të vinte. 

Pyetja: Ku punonte djali?

Spartak Dobi: Djali shkonte natën të punonte te shoku im. Nusja merrte 600 e ca mijë lekë, 200 unë, sillte djali 150. Gjithmonë i dobëti e ha, ai që ka pare del.  

spartak dobi rozeta dobi

Sondazh

Poll

MË SHUMË