Aktualitet

Mbarojnë festat, rikthehen radhët në pikat kufitare, Kapshtica dhe Kakavija "më të zënat"

Sipas të dhënave, në 24 orët e fundit në pikën kufitare të Kapshticës kanë hyrë 1914 shtetas dhe kanë dalë 5874, ndërkohë që në Qafë Thanë kanë hyrë 2941 persona, por kanë dalë më pak, 1565.

9 Janar 2023, 11:06 Nga k.m.
Mbarojnë festat, rikthehen radhët në pikat kufitare, Kapshtica
Foto ilustruese

TIRANË- Festat e fundvitit kanë mbaruar dhe emigrantët prej ditësh kanë nisur kthimin për në vendet ku punojnë dhe jetojnë, e rrjedhimisht kanë shtuar edhe fluksin në pikat kufitare të vendit. Sipas të dhënave, në 24 orët e fundit në pikën kufitare të Kapshticës kanë hyrë 1914 shtetas dhe kanë dalë 5874, ndërkohë që në Qafë Thanë kanë hyrë 2941 persona, por kanë dalë më pak, 1565.

Fluks ka pasur dhe në Kakavijës, ku mësohet se në 24 orë kanë dalë nga territori i Shqipërisë 6083 persona dhe kanë hyrë 2189.

Fatmirësisht, ndryshe nga një ditë më parë në Kapshticë, nuk ka patur radhë pasi vijon të punohet në të dy anët e kufirit me kapacitet të plotë. 4 sportele i ka të hapura pala shqiptare, 3 i ka ajo greke. 

Sondazh

Poll