Aktualitet

'Këta s'i paskan gjetur ato...'/ Nuk e dinin që po përgjoheshin, si u zbuluan paratë tek tubi i aspiratorit, Rozeta dhe Havieri "folën shumë"

Pas prangosjes së tyre, në dhomat e shoqërimit të Komisariatit, nënë e bir janë lënë vetëm, por pa e ditur ata, nën praninë e përgjuesëve ambientalë.

9 Janar 2023, 09:14 Nga k.m.
'Këta s'i paskan gjetur ato...'/ Nuk e dinin që po
Foto ilustruese

TIRANË- Rozeta Dobi dhe djali i saj, Havier kanë folur shumë, pa e ditur që po përgjoheshin në çdo sekondë. Pas prangosjes së tyre, në dhomat e shoqërimit të Komisariatit, nënë e bir janë lënë vetëm, por pa e ditur ata, nën praninë e përgjuesëve ambientalë. Duke menduar se nuk po i dëgjonte askush, nënë e bir, flisnin së bashku se Policia u kishte gjetur vetëm 120 mijë euro, por jo shumën tjetër të fshehur prej tyre në tubin e aspiratorit.

Aq ka mjaftuar! Kjo bisedë ka shërbyer si indice e fortë për Policinë e Shtetit për të shkuar sërish në banesën e tyre dhe për të kërkuar për të tjera para të fshehura në banesën e tyre. Në kontrollin e dytë që u bë nga Policia, u gjet shuma prej 404.000 mijë eurosh dhe bizhuteri të tjera, duke e çuar totalin në mbi 530 mijë euro. 

Çfarë kanë bërë nënë e bir?

Rozeta Dobi, 49 vjeç punonte si pastruese në “Rrugën e Kosovarëve”, por në bashkëpunim me djalin e saj, Havier Dobi 23 vjeç, klientët edhe i grabiste. Personi që e denoncoi ishte Alda Klosi, ish-zyrtare në kabinetin e ish-zv.kryeministrit Arben Ahmetaj, e cila pretendon se Dobi i kishte vjedhur 120 mijë euro. Pastruesja, sipas raportimeve të deritanishme, kishte hyrë në banesë me çelësin që i kishte lënë Klosi për ta pastruar dhe kishte vjedhur para në interval të ndryshme kohore, por ditën e fundit kishte hapur derën me forcë dhe kishte bërë rrëmujë në banesë, për të inskenuar një grabitje.

Gjithçka është zbuluar nga kamerat e sigurisë. Vetë ish-zyrtarja thotë se paratë i kishte ruajtur për të kuruar xhaxhain e saj, që e kishte me kancer dhe të shtruar në një spital në Shtetet e Bashkuara të Amerikës. Por edhe për të ka nisur një hetim për të zbuluar nëse thotë të vërtetën e nëse mund të justifikojë burimin e parave që i janë gjetur në shtëpi. Por Klosi nuk është "viktima" e vetme, pasi nënë e bir akuzohen edhe nga 4 persona të tjerë se i kanë vjedhur. Pas shumës së 120 mijë eurove, në shtëpinë Dobi, në tubin e aspiratorit janë gjetur edhe mbi 400 mijë euro të tjera. 

havier dobi rozeta dobi alda klosi vjedhje ne tirane

Sondazh

Poll

MË SHUMË