Aktualitet

Vodhën shtëpinë e ish-shefes së kabinetit të Ahmetajt, nënë e bir dalin sot para gjykatës

Rozeta Dobi, e cila punonte si pastruese në shtëpinë e Klosit, kishte fotokopjuar çelësat dhe bashkë me djalin e saj vodhën paratë dhe e inskenuan ngjarjen si një vjedhje.

9 Janar 2023, 08:41 Nga A.B
Vodhën shtëpinë e ish-shefes së kabinetit të Ahmetajt,
Alda Klosi dhe autori, Havier Dobi

TIRANË- Rozeta dhe Havier Dobi, nënë e bir të cilët akuzohen për vjedhjen e më shumë se 1 banese në kryeqytet, do të dalin ditën e sotme para trupës gjykuese. Ata dyshohet se kanë grabitur 4 banesa të familjeve VIP, përveç asaj të zyrtares Alda Klosi ku morën 120 mijë euro. 49-vjeçarja dhe djali i saj vodhën 120 mijë euro dhe bizhuteri me vlerë nga shtëpia e ish-shefes së kabinetit të ish.zv-kryeministrit Arben Ahmetaj. Rozeta Dobi, e cila punonte si pastruese në shtëpinë e Klosit, kishte fotokopjuar çelësat dhe bashkë me djalin e saj vodhën paratë dhe e inskenuan ngjarjen si një vjedhje.

Një kontroll i dytë, u zbuloi në banesë shuma të mëdha parash. Përveç 120 mijë eurove, policia i zbuloi në tubin e aspirimit 404 800 euro, 8500 dollarë dhe aksesorë floriri, të cilat tashmë janë sekuestruar nga policia.

Në këtë ngjarje, jashtë hetimit nuk u la as ish-shefja e kabinetit të Ahmetajt. Prokuroria ka nisur një hetim për burimin e parave që Klosi mbante në shtëpi. Ajo tha një ditë më parë se këto para i kishte të deklaruara dhe se i ka mbledhur për kurimin e xhaxhait të saj në SHBA.

Nga shtëpia e Klosit, janë vjedhur 120 mijë euro dhe bizhu të vlerave të ndryshme. 

Rozeta e cila punonte si pastruese prej 20 vjetësh, në bashkëpunim me djalin e saj, vidhte të pasurit duke shfrytëzuar momentin kur pronarët nuk ndodheshin aty, përmes çelësit që kishte kopjuar. I biri i pastrueses reklamonte në rrjetet sociale jetën e tij të luksit, duke treguar para kesh, makina, varëse floriri e rroba të shtrenjta. Mirëpo, miqve, i riu u thoshte se këto mjete nuk ishin të tijat, por i merrte me qira.

alda klosi rozeta dobi havier dobi

Sondazh

Poll

MË SHUMË