Aktualitet

Urgjencat plot edhe të dielën! Fluksi i fëmijëve të sëmurë përballohet me staf të reduktuar

Të vegjlit ankohen për temperaturë të lartë, dhimbje barku, bllokim të rrugëve të sipërme të frymëmarrjes, djegie fyti e dhimbje veshi.

8 Janar 2023, 20:00 Nga F.M
Urgjencat plot edhe të dielën! Fluksi i fëmijëve të
Pacientë

TIRANË- Në Urgjencën e Pediatrisë së QSUT-së ka fluks fëmijësh edhe për faktin së Qendrat Shëndetësore punojnë me staf të reduktuar. Top Channel raporton se pacientët e vegjël ankohen për temperaturë të lartë, dhimbje barku, bllokim të rrugëve të sipërme të frymëmarrjes, djegie fyti e dhimbje veshi.

“Nipi im ka qenë me të vjella gjithë natën. Ka shumë radhë këtu. Deri tani një mjeke ishte, por sapo erdhi dhe tjetra. Ne jemi numri 35, brenda po vizitohet fëmija me numrin 20. Kemi ardhur që ne 5 të mëngjesit në urgjencë”, shprehet familjari.

“Vajza është me bronshit, ndërsa djali është komplet i bllokuar. Kemi ardhur nga fshati Brar. Kanë dy ditë që vazhdojnë kështu fëmijët. Të frikësuar jemi nga viruset, gripi që janë nëpër këmbë, por ato kanë kohën e vet”, thotë nëna e dy fëmijëve.

“Nuk e kam çuar në shkollë djalin”, thotë një tjetër.

“I kemi të dy të sëmurë edhe djalin dhe vajzën. Kanë temperaturë që nuk iu ulet. Kanë tre ditë kështu, me të vjella, fyt të acaruar. Ne sa erdhëm dhe kemi numrin 47, brenda po vizitohet fëmija me numër 22”, shprehet një prind.

Jemi në kulmin e qarkullimit të virozave stinore, ndërkohë që varianti i ri i Covid-19 është në qarkullim dhe ka bërë që shumë prej vendeve të mbyllin kufijtë.

gripi sezonal

Sondazh

Poll

MË SHUMË