Aktualitet

Vodhën 120 mijë euro në banesën e zyrtares së lartë në Kryeministri, nënë e bir pranojnë krimin

Policia ka dyshime se nënë e bir nuk janë vetëm autorë të vjedhjes së banesës në Rrugën e Kosovarëve, por edhe në banesa të tjera për shkak të shumave të mëdha që janë gjetur.

8 Janar 2023, 13:34 Nga A.B
Vodhën 120 mijë euro në banesën e zyrtares së
Havier Dobi

TIRANË- Rozeta e Havier Dobi kanë pranuar vjedhjen në banesën e Alda Klosit, ish-zyrtares së lartë në kryeministri. Pas gjetjes së parave të tjera pritet të ketë një tjetër seancë për marrje në pyetje. Policia ka dyshime se nënë e bir nuk janë vetëm autorë të vjedhjes së banesës në Rrugën e Kosovarëve, por edhe në banesa të tjera për shkak të shumave të mëdha që janë gjetur. 

Të gjitha banesat që janë vjedhur në muajt e fundit dhe që kanë mbetur të pazbardhura kanë në fokus të hetimeve, mbi dyshimin se mund të jetë autor nënë e bir.

Çfarë kanë bërë nënë e bir?

Rozeta Dobi, 49 vjeç punonte si pastruese në shtëpinë në “Rrugën e Kosovarëve” në kryeqytet dhe në këtë banesë ajo kishte vjedhur shuma të konsiderueshme parash në vlerën e 120 mijë Eurove. Dje u arrestuan dhe ju sekuestruan 58,150 Euro, 7000 Dollarë, 368 000 Lekë, disa sende prej floriri, rrobat e përdorura për vjedhjen dhe këto 3 automjete, 2 nga të cilat dyshohet se u blenë me paratë e vjedhura. Vjedhjen, Rozata e kishte bërë në bashkëpunim me djalin e saj Havier Dobi 23 vjeç. Ky i fundit reklamonte jetë luksose në rrjetet sociale./ Dosja.al

havier dobi rozeta dobi

Sondazh

Poll

MË SHUMË