Aktualitet

Grabitja në Durrës, identifikohen autorët, pronarja e dyqanit: Gjithçka ndodhi për 2 minuta, mua më drejtuan armën

Ajo ka theksuar se fillimisht ka parë një makinë tip 'Ford Focus' me të cilët autorët e ngjarjes erdhën morën 150 mijë lekë dhe u larguan nga dyqani. 

7 Janar 2023, 11:32 Nga I.A

 

Grabitja në Durrës, identifikohen autorët, pronarja e dyqanit:
Foto Ilustruese

DURRËS- Tre autorët e grabitjes së mbrëmshme në Durrës janë identifikuar. Mësohet se tre të rinjtë janë banorë të zonës dhe po punohet për arrestimin e tyre. Ndërkohë që pronarja e dyqanit që u grabit, Mimoza Danushi ka folur duke treguar detaje se si autorët e grabitën. Ajo ka theksuar se fillimisht ka parë një makinë tip 'Ford Focus' me të cilët autorët e ngjarjes erdhën morën 150 mijë lekë dhe u larguan nga dyqani. 

“Isha duke qëndruar e ulur. Pash nga dera që kaloj një makinë Ford, që ndaloi pak metra më lart. Ishte shumë qetë dhe nuk i kushtova vëmendje. Kur për një moment u futën dy djem në dyqan me kapuca në kokë dhe njëri që ishte pak më i vogël më tha na jep lekët se të vramë. Unë mendova mos ishin djemtë e lagjes dhe e shtyva atë të voglin. Dil përjashta më lër rehat i thash. Kur në këtë moment ky tjetri nxorri armën dhe ma drejtoi. Ja kapa dorën dhe ja ngrita lartë, po në këtë moment u rrezua banaku dhe ranë lekët në tokë. I mblodhi ky që ishte pak më i vogël dhe ikën. Gjithcka ka ndodhur për dy minuta. U tremba shumë. Nuk kisha 15 mijë lekë kisha më shumë. I morën të gjitha“, ka treguar Danushi për Abc News.

grabitje ne durres mimoza danushi

Sondazh

Poll