Aktualitet

Grabitja e të moshuarës në Maliq, Policia sekuestron pamjet filmike, dyshohet se autori njihet me 67-vjeçaren

Ndërkohë për çështjen janë marrë në pyetje shumë persona, të afërm dhe fqinj të të moshuarës, ndër ta dhe 4 të rinj te zonës, të cilët i përshtaten përshkrimit të 67-vjeçares për autorin e grabitjes, por që edhe mund të kenë qenë dëshmitarë të lëvizjeve të tij, para dhe pas ngjarjes.

6 Janar 2023, 12:33 Nga F.M
Grabitja e të moshuarës në Maliq, Policia sekuestron pamjet
Luljeta Hoxha

MALIQ- Policia ka sekuestruar pamjet filmike të kamerave të sigurisë rreth zonës ku ndodhi grabitja e të moshuarës Luljeta Hoxha, në Pirg të Maliqit. Si provë materiale, grupi hetimor ka sekuestruar litarin me të cilin autorët lidhën të moshuarën Hoxha dhe i morën 10 mjë euro.

Ndërkohë për çështjen janë marrë në pyetje shumë persona, të afërm dhe fqinj të të moshuarës, ndër ta dhe 4 të rinj te zonës, të cilët i përshtaten përshkrimit të 67-vjeçares për autorin e grabitjes, por që edhe mund të kenë qenë dëshmitarë të lëvizjeve të tij, para dhe pas ngjarjes.

Një ndër pistat ku po heton policia për këtë ngjarje, janë personat të cilët 67-vjeçarja ka pasur kontakte të vazhdueshme. Dyshohet se grabitësi është një person që e njihte mirë të moshuarën dhe e dinte faktin që kishte atë shumë të madhe parash në shtëpi.

Lajmi për grabitjen e të moshuarës u bë me dije nga kryedemokrati Sali Berisha. Ngjarja ka ndodhur më 29 dhjetor, por vetmë pas denoncimit të Berishës, u bë publike në media. Vetë 67-vjeçarja Luljeta Hoxha ndodhet ende në spital, nga ku ka treguar edhe shenjat e dhunës dhe momentet e tmerrit.

 

luljeta hoxha grabitet luljeta hoxha

Sondazh

Poll

MË SHUMË