Bota

“Thjesht kërkon të marrë pak oksigjen”- Biden skeptik për armëpushimin e urdhëruar nga Putin

Lideri rus urdhëroi sot armëpushim në Ukrainë, i cili do të zgjasë një ditë e gjysmë (36 orë)

5 Janar 2023, 20:16 Nga A.B
“Thjesht kërkon të marrë pak oksigjen”- Biden skeptik
Joe Biden

SHBA- Putin po "kërkon pak oksigjen" me armëpushimin 36-orësh që shpalli në Ukrainë me rastin e Krishtlindjeve, pohoi presidenti amerikan Joe Biden. Duke komentuar armëpushimin e parë të njëanshëm të shpallur nga Putin që nga fillimi i pushtimit rus më 24 shkurt, Biden kujtoi se vetëm disa orë më parë presidenti rus "ishte gati të bombardonte spitalet, çerdhet dhe kishat".

“Unë hezitoj të komentoj atë që po thotë Putin. Por kjo ishte interesante për mua. Më 25 dhjetor dhe në ditën e Vitit të Ri, ai nuk e kishte problem të bombardonte spitale, çerdhe dhe kisha. Unë mendoj se ai në të vërtetë dëshiron të merr pak oksigjen”, tha para gazetarëve Biden, raporton CNN.

Lideri rus urdhëroi sot armëpushim në Ukrainë, i cili do të zgjasë një ditë e gjysmë (36 orë). Armëpushimi, njoftoi Kremlini, u urdhërua nga Putini për të shënuar Krishtlindjet, të cilat të krishterët ortodoksë i festojnë të shtunën.

joe biden lufta ukraine-rusi

Sondazh

Poll

MË SHUMË