Bota

Rusia kërkesë Serbisë: Shmangni konferencat ndërkombëtare pa praninë tonë

Bocan Harçenko tha në një takim me Ministrin e Punëve të Jashtme Ivica Daçiç në fund të dhjetorit 2022 se bëhet fjalë për Samitin për Demokraci, Këshillin e Komunitetit Politik Evropian dhe disa takime të tjera ku fokusi do të jetë Rusia.

5 Janar 2023, 20:01 Nga k.m.
Rusia kërkesë Serbisë: Shmangni konferencat
Aleksandar Boçan Kharçenko dhe Ivica Daçiç

BEOGRAD- Ambasadori rus Aleksandar Boçan Kharçenko shprehu se Moska pret që Serbia të mos marrë pjesë në konferencat ndërkombëtare që mbahen pa praninë e Federatës Ruse. Sipas medias "N1", Bocan Harçenko tha në një takim me Ministrin e Punëve të Jashtme Ivica Daçiç në fund të dhjetorit 2022 se bëhet fjalë për Samitin për Demokraci, Këshillin e Komunitetit Politik Evropian dhe disa takime të tjera ku fokusi do të jetë Rusia.

Kharchenko, siç mëson N1, tha gjithashtu se SHBA-të do të kërkojnë përjashtimin e Rusisë nga Kombet e Bashkuara, në të njëjtin parim siç u dëbua Republika Federale e Jugosllavisë në 1992. Në të njëjtin kontekst, ambasadori rus ka diskutuar edhe me Daçiçin për përpjekjet për formimin e Gjykatës Ndërkombëtare për Krimet e Luftës në Ukrainë.

Po ashtu Harchenko ia ka bërë me dije Daçiçit se Moska është në dijeni për takimin e Ministrisë së Energjisë së Serbisë me ambasadorin e Ukrainës, ku është diskutuar për ta ndihmuar sistemin energjetik.

Nga ana e tij, Daçiç ka thënë se Serbia do t’i marrë në konsideratë në frymën e marrëdhënieve miqësore. Por nuk i ka dhënë një përgjigje definitive.

aleksandar boçan kharçenko ivica daçiç

Sondazh

Poll

MË SHUMË