Bota

Koreja e Veriut mbylli vitin 2022 me raketa balistike

Kim Jong Un lëshoi tre raketa balistike.

31 Dhjetor 2022, 10:34 Nga k.m.

Koreja e Veriut mbylli vitin 2022 me raketa balistike

Foto ilustruese

Koreja e Veriut lëshoi sot tre raketa të reja balistike, duke i dhënë fund vitit 2022 me një numër rekord të testeve të armëve dhe një përshkallëzim dramatik të tensioneve me Korenë e Jugut dhe SHBA. Shtabi i përgjithshëm i Koresë së Jugut njoftoi se zbuloi lëshimin e "tre raketave balistike me rreze të shkurtër veprimi të lëshuar nga Koreja e Veriut në Detin Lindor", i njohur gjithashtu si Deti i Japonisë, rreth orës 08:00 me kohën lokale. Pasi u ngritën nga qarku Chunghua, në jug të Phenianit, raketat udhëtuan rreth 350 kilometra përpara se të binin në det.

Gjatë gjithë vitit 2022, regjimi i Koresë së Veriut kreu një numër të paprecedentë testesh armësh dhe shumëfishoi gjestet armiqësore ndaj fqinjëve të tij. Ajo lëshoi një raketë balistike ndërkontinentale (ICBM) në mars për herë të parë në pesë vjet. Një tjetër ICBM, i testuar në nëntor, u rrëzua në brigjet e Japonisë. Koreja e Veriut kishte kryer tashmë rreth 70 lëshime armësh në 38 teste në vitin 2022, duke përfshirë të paktën 8 raketa balistike ndërkontinentale (ICBM).

"Provokimet do të kenë gjithmonë pasoja të rënda,"- paralajmëron Seuli.

Ndërhyrja, e para e këtij lloji në pesë vjet, u përshkrua si "e patolerueshme" nga presidenti i Koresë së Jugut, Yoon Seok-gil, i cili u zotua t'i bëjë të ditur Koresë së Veriut se "provokimet do të kenë gjithmonë pasoja të rënda" për të. Disa analistë e shohin lëshimin e trefishtë të sotëm si një përgjigje ndaj njoftimit të Ministrisë së Mbrojtjes në Seul.

koreja e veriut