Aktualitet

Mitsotakisi i dytë që vjen në Shqipëri- Kathimerini me tone të ashpra: Pse duhet vëmendje tek minoriteti grek në Shqipëri

Pamja solli në mendje historitë dramatike të grekëve të pakicës që u përpoqën kalonin  përmes gardheve elektrike përgjatë kufirit malor në një përpjekje për t'u çliruar nga prangat e regjimit.

19 Dhjetor 2022, 18:03 Nga Stavros Tzimas
Mitsotakisi i dytë që vjen në Shqipëri- Kathimerini me tone
Sofia, një grua e moshuar

Nga Kathimerini

U bënë 32 vjet që kur kam shkelur për herë të parë në Shqipëri. Ramiz Alia, presidenti i fundit komunist i vendit, ishte ende në pushtet. Shqipëria ishte një vend në depresion të rëndë; regjimi i tij autoritar po shkatërrohej. Njerëzit po përpiqeshin t'i shpëtonin paranojës së trashëguar nga diktatori stalinist Enver Hoxha, shpesh duke rrezikuar jetën.

Duke kaluar përmes pikës kufitare të Kakavisë me Shqipërinë javën e kaluar, pashë vargmalin mbresëlënës që ngrihej nga fusha e Dropullit. Pamja solli në mendje historitë dramatike të grekëve të pakicës që u përpoqën kalonin  përmes gardheve elektrike përgjatë kufirit malor në një përpjekje për t'u çliruar nga prangat e regjimit. Qindra, ndoshta mijëra, vdiqën në këto shpate dhe lugina në përpjekjet e tyre për të shpëtuar.

Shumica dërrmuese e viktimave ishin grekë që jetonin në Shqipërinë e Jugut. Këta njerëz jetonin më afër kufirit dhe i njihnin mirë shtigjet. Më e rëndësishmja, shpirtrat e tyre u prekën nga dëshira për të jetuar të lirë. Megjithatë, me kalimin e kohës, ata dëshmorë dhe heronj të kufijve (që në atë kohë ishin etiketuar si armiq të shtetit) rrezikojnë të zhduken nga kujtesa kolektive.

Me rastin e turneut të planifikuar të kryeministrit grek Kyriakos Mitsotakis në Shqipërinë e Jugut, komuniteti pakicë në komunën e Finiqit) kishte organizuar një vizitë në fshatin Aliko, ku më 11 dhjetor 1990 u pushkatuan katër të rinj grekë etnikë, gjatë përpjekjes për të kaluar në Greqi.

Vrasjet ishin pika e fundit mes indinjatës së akumuluar dhe ndezën një kryengritje të paprecedentë në fshatrat me etni greke. Protestuesit që mbanin arkivolet me të rinjtë e vdekur drejtuan një marshim të improvizuar drejt Sarandës. Por ata u ndalën në periferi të qytetit për të shmangur gjakderdhjen.

Vizita e Mitsotakis në fshatrat minoritare përfundimisht u riplanifikua për 22 dhjetor. Sigurisht, ai do të hasë një pamje shumë të ndryshme nga ajo që pa i ati, asokohe gjithashtu kryeministër Konstantinos Mitsotakis, në vitin 1992. Gjërat sigurisht janë përmirësuar. Megjithatë, largimi i të rinjve rrezikon që minoriteti të mos mbijetojë. Përveç ushtarëve grekë që vdiqën në malet e Shqipërisë në vitin 1940, të cilët sigurisht i nderojmë me meritë edhe sot e kësaj dite, nuk duhet të harrojmë as ata që ranë në të njëjtin kufi, edhe për Greqinë.

kyriakos mitsotakis

Sondazh

Poll

MË SHUMË