Aktualitet

"Djalin na e kanë rrëmbyer dhe vrarë", Gazmir Ngota inskenoi zhdukjen e tij për 3 muaj nga frika e arrestimit për masakrën ndaj Kurt-Dedës

Materiali kallëzues është çuar për vlerësim në prokurorinë e Tiranës, për “largimi nga banesa”, por në 11 nëntor, prokurorja e çështjes, Elfrida Bregova, ka vendosur të mosfillojë hetimet për këtë rast.

19 Dhjetor 2022, 17:54 Nga k.m.
"Djalin na e kanë rrëmbyer dhe vrarë", Gazmir Ngota
Gazmir Ngota dhe Mirjeta Karaj

TIRANË- Implikimi në vrasjen e Mendun Kurt-Dedës dhe frika e arrestimit ka bërë që Gazmir Ngota të krijonte skenare të ndryshme sesi t'i shpëtonte drejtësisë. Ndaj dhe vendosi që të inskenonte zhdukjen e tij, për një periudhë 3-mujore. Gazetari Elton Qyno shkruan se pavarësisht se Ngota, shfaqet në dëshminë e tij si një njeri i penduar dhe që pretendonte se disa herë ishte matur që të shkonte dhe të kallëzonte krimin, nuk është besuar. Qyno shkruan për "OraNews", se ka një material hetimor që tregon zhdukjen pa adresë të Gazmir Ngotës, ndërsa denoncimi ëhstë bërë nga familjarët e tij që pretenduan se i riu edhe mund të ishte vrarë. 

Materiali kallëzues është çuar për vlerësim në prokurorinë e Tiranës, për “largimi nga banesa”, por në 11 nëntor, prokurorja e çështjes, Elfrida Bregova, ka vendosur të mosfillojë hetimet për këtë rast.

Gazmir Ngota dhe Marjeta Karaj sëbashku me djalin e saj Besmir Karaj, u tradhtuan nga dëshmia e shoferit të shoqatës që kishte gruaja, Faik Stojna, pasi u kërcënua nga nënë e bir se do të digjej i gjallë ashtu siç i kishte ndodhur Kurt-Dedës. Ngota ka shfaqur pendesë për krimin ndërsa bashkë me të në pranga, ra dhe Marjeta Karaj, por në kërkim është i biri i saj, që mendohet se fshihet në Itali.

Shkak i vrasjes së 61-vjeçarit, është bërë një shumë financiare prej 10 milion lekë të vjetra, që Kurt Deda ja kishte borxh, Marjeta Karajt. Por vrasja ishte makabër. Fillimisht kishin dhunuar dhe më pas e kishin çuar në pyll, ku të gjallë e kishin spërkatur me benzinë dhe më pas i kishin vendosur flakën. 

gazmir ngota mirjeta karaj

Sondazh

Poll

MË SHUMË