Politike

'Akt i shëmtuar'/ Berisha, për shembjen e pallateve te 'Myslym Keta': Doni t'i mjeroni në prag të festave 90 familjet me 250 fëmijë

Kreu i opozitës akuzon kryebashkiakun Erion Veliaj dhe kreun e qeverisë Edi Rama, teksa shprehet se ajo që po bëjnë është një akt i turpshëm, pasi në prag të festave të fundvitit 90 familje me 250 fëmijë do të mbeten në mjerim. 

19 Dhjetor 2022, 10:13 Nga a.l
'Akt i shëmtuar'/ Berisha, për shembjen e pallateve te
Sali Berisha

TIRANË- Kryetari i Partisë Demokratike Sali Berisha ka reaguar për shembjen e bllokut të pallateve te 'Myslym Keta'. Përmes një postimi në rrjete sociale, kreu i opozitës akuzon kryebashkiakun Erion Veliaj dhe kreun e qeverisë Edi Rama, teksa shprehet se ajo që po bëjnë është një akt i turpshëm, pasi në prag të festave të fundvitit 90 familje me 250 fëmijë do të mbeten në mjerim. 

"Edi Rama dhe Erion Velia janë një bandë, që fitimi i ka çnjerëzuar gjerë në kockë! Duhej patjetër t’i dëshpëronin dhe mjeronin për festat e fundvitit 90 familje, 250 fëmijë, të moshuar, burra e gra. Akt i shëmtuar sb", shkruan Sali Berisha. 

Shembja e pallatit nr.4 në rrugën "Myslym Keta" në Tiranë, nisi mëngjesin e sotëm. Fabromat e IKMT-së kanë nisur ta shembin, pa pritur vendimin e gjykatës e cila do të vendoste sot. Banorët kanë dyshime se pas shembjes së pallatit fshihen interesa të tjera. Qytetarët kanë thënë se nuk është bërë asnjë akt ekspertimi privat që ka nxjerrë pallatin me shkallën e dëmtimit DS2. I pranishëm gjatë kësaj përplasjeje mes banorëve dhe autoriteteve ka qenë edhe deputeti i Partisë Demokratike, Belind Këlliçi, i cili ka bërë me dije se një prej qytetarëve që banon në këtë pallat, ka humbur jetën për shkak të tensionit./ Dosja.al

shembet pallati te myslym keta sali berisha

Sondazh

Poll

MË SHUMË