Politike

Porti i Durrësit/ Berisha: Mafia e bitcoinsave është bërë bashkë me qeverinë, Amant Josifi ka mbrojtjen e Ramës

Berisha shtoi se në Portin e Durrësit do investohen 2 miliardë euro që do dalin nga taksat e shqiptarëve. Këto para, sipas tij, do të shijohen nga ata që i quan 'mamuthë', referuar qeveritarëve, miqve të tyre biznesmenë dhe atyre të Lindjes së Mesme. 

24 Nëntor 2022, 10:15 Nga F.M
Porti i Durrësit/ Berisha: Mafia e bitcoinsave është
Sali Berisha

TIRANË- Kryedemokrati Sali Berisha ka akuzuar qeverinë se pjesë të Portit të Durrësit ka bërë dhe grupin që ai e quan m'mafia e bitcoinsave'. Nga foltorja e Kuvendit, Berisha tha se Amant Josifi, ka marrë mbështetjen e qeverisë dhe ndaj e ushtron këtë veprimtari. Berisha shtoi se në Portin e Durrësit do investohen 2 miliardë euro që do dalin nga taksat e shqiptarëve. Këto para, sipas tij, do të shijohen nga ata që i quan 'mamuthë', referuar qeveritarëve, miqve të tyre biznesmenë dhe atyre të Lindjes së Mesme. 

"Sot ky port asgjësohet me gjithë qindra e qindra milionë euro investime në këtë port. Kapaciteti i tij është aktualisht 8 milion ton mall përpunim dhe ka arritur ne 4.8 milion. Pozicioni I tij në shekuj dhe mijëvjeçarë është përcaktuar më i përshtstshmi për trojet arbnore. Për qytetarët e Durrësit ka qenë vendi ku kanë siguruar kafshatën. Sot klani Rama merr përsipër të përvetësojë 200 mijë metër katrorë. Para të pista, të zeza, e kuptoni tregtinë që bëhet me bitcoin, që kjo është kuleta më e madhe e bitcoin në Evropë. E dini ju me sa urgjencë erdhi këtu ligji i bitcoinit. Pyesi pak se ç’po ndodh me të? Deri tani janë vjedhur 2.2 miliard euro, çfarë kujtoni ju se Amant Josif do të mund ta zhvillonte këtë veprimtari pa mbrojtjen politike të Edi Ramës, call centerat janë nën hetime, ndërsa këta të bitcoin kanë mbrojtje politike. 12 mijë e 600 apartamente atje, do mblidhen këtu mamuthët e Shqipërisë dhe Lindjes së Mesme, do kenë dhe jahtet për karshi, kurse shqiptarët, popull gomonesh. Ose do jenë shërbëtorët e tyre, ose do ikin. E dini ju që kushton 2 miliard euro, nga do dalin, nga të varfrit shqiptarë,"- tha Berisha ndër të tjera. 

sali berisha seance plenare 24 nentor 2022

Sondazh

Poll

MË SHUMË