Politike

Gara për kreun e SPAK, Yuri Kim: Procesi i përzgjedhjes duhet të jetë pa manipulime, kreu i ri duhet i aftë dhe i vendosur kundër krimit

Yuri Kim bën thirrje që procesi të jetë transparent në mënyrë që shefi i ardhshëm i SPAK të jetë i aftë dhe i vendosur për të intensifikuar luftën kundër korrupsionit dhe krimit të organizuar.

22 Nëntor 2022, 16:27 Nga k.m.
Gara për kreun e SPAK, Yuri Kim: Procesi i përzgjedhjes duhet të
Yuri Kim

TIRANË- Ambasadorja amerikane në Tiranë, Yuri Kim ka bërë një thirrje për procesin që ka nisur për zgjedhjen e kreut të ri të Prokurorisë së Posaçme kundër Korrupsionit dhe Krimit të Organizuar. Në një postim të bërë në rrjetet e saj sociale, Yuri Kim bën thirrje që procesi të jetë transparent në mënyrë që shefi i ardhshëm i SPAK të jetë i aftë dhe i vendosur për të intensifikuar luftën kundër korrupsionit dhe krimit të organizuar. Sipas ambasadores Yuri Kim tha se përzgjedhja duhet të jetë pa manipulime nga ata që kërkojnë të bllokojnë ose ndikojnë në drejtësi.

"Tani që kandidatët për kreun e ardhshëm të SPAK janë konfirmuar, është thelbësore që procesi të jetë transparent në mënyrë që shefi i ardhshëm (1) të zgjidhet në bazë të kualifikimeve dhe historikut dhe (2) të jetë i aftë dhe i vendosur për të intensifikuar luftën kundër korrupsionit dhe krimit të organizuar. Procesi i përzgjedhjes duhet të jetë pa manipulime nga ata që kërkojnë të bllokojnë ose ndikojnë në drejtësi, nga ata që preferojnë mënyrat e vjetra dhe për rrjedhojë kundërshtojnë reformën në drejtësi. Taktika të tilla i përkasin një të shkuare që ka dëmtuar shumë. SPAK - si reforma në drejtësi - duhet të jetë e ardhmja e Shqipërisë,"-shkruan Yuri Kim.

Në garë për kreun e SPAK janë Edvin Kondili, Adnan Xholi dhe Altin Dumani. Por ndërkohë që drejtimin e SPAK e ka ende Arben Kraja, i cili e përfundon mandatin në datën 19 dhjetor. Me përfundimin e madatit të Krajës, merr detyrën drejtuesi i ri dhe Kraja mbetet prokuror i SPAK, pasi si prokuror mandati është 9 vite ndërsa si drejtues zgjidhet çdo 3 vite. Kjo sepse drejtuesi i SPAK nuk ka të drejtë rizgjedhjeje, gëzon vetëm 1 mandat, edhe pse Kraja u mundua të ndryshonte këtë rregull. Me pretendimin se ishte drejtuesi i parë dhe nuk kishin pasur infrastrukturën e nevojshme për të punuar me kapacitet të plotë, Kraja kërkoi edhe 3 vite në detyrë, por kërkesa u rrëzua menjëherë. 

yuri kim gara për kreun e spak

Sondazh

Poll

Politike 22 Nëntor 2022, 15:52 k.m.

Për kë është krenar Edi Rama?

Edi Rama TIRANË- Kryeministri Edi Rama është krenar për bashkëshorten e tij, e cila ka hapur një portal për veten. Ai n...

MË SHUMË