Aktualitet

Vdiq bashkë me të birin, kush ishte biznesmeni Pjetër Rushaj, la Anglinë për të investuar në Shqipëri, por vendlindja i mori jetën

Pjetër Rushaj bashkë me të vëllanë ndërtonin shtëpiza pushimi prej druri për turistët, kryesisht në Bogë.

21 Nëntor 2022, 13:47 Nga F.M
Vdiq bashkë me të birin, kush ishte biznesmeni Pjetër Rushaj, la
Pjetër Rushaj

SHKODËR- Pjetër Rushaj është 50-vjeçari që humbi jetën tragjikisht ditën e djeshme së bashku me djalin e tij të mitur, Jason. Ai ishte i njohur për ndërtimet e zonës alpine në Malësinë e Madhe dhe Dukagjin. Familja Rushaj kishin jetuar prej vitesh në Britaninë e Madhe, por së fundmi ishin kthyer për të investuar në Shqipëri.

Pjetër Rushaj bashkë me të vëllanë ndërtonin shtëpiza pushimi prej druri për turistët, kryesisht në Bogë. Dhe dje, ditën e tragjedisë, Rushaj u nis me djalin e tij, Jason Rushaj, 14 vjeç e me vajzën e mitur për të parë nëse dy shtëpizat e drurit që kishte ngritur bashkë me të vëllanë, kishin marrë dëmtime nga moti i keq. Ai mori me vete edhe dy fëmijët e tij, pa e ditur se ky do të ishte udhëtimi i fundit që do të bënin bashkë.

Pikërisht në zonën e njohur si “Grykë Lugje”, iu ndërpre rruga. Uji mori makinën përpara dhe 50-vjeçari zbriti vajzën e i tha së shkonte në fshatin më të afërt për të marrë një kavo për ta tërhequr. Më pas doli edhe vetë bashkë me djalin nga mjeti. Por, kur një vrull i fuqishëm uji nga “Përroi i Thatë” i rrëmbeu djalin nga duart, Rushaj u hodh ta shpëtonte. Por, për fat të keq, të dy ndërruar njetë. Vajza u ndihmua nga një banor i zonës. Trupat e babë e bir u gjetën 16 orë më vonë.

pjeter rushaj

Sondazh

Poll

MË SHUMË