Aktualitet

“Shko merr një kavo”, si ndodhi tragjedia në Shkodër, 14-vjeçarin e rrëmbeu uji, Rushaj u hodh ta shpëtonte, por vdiq dhe vetë

Rushaj u nis me djalin e tij, Jason Rusha, 14 vjeç e me vajzën e mitur për të parë nëse dy shtëpizat e drurit që kishte ngritur bashkë me të vëllanë, kishin marrë dëmtime nga moti i keq.

21 Nëntor 2022, 13:43 Nga F.M
“Shko merr një kavo”, si ndodhi tragjedia në Shkodër,
Pjetër Rushaj dhe djali i tij

SHKODËR- Detaje të reja janë zbardhur nga tragjedia që shënoi dy viktimat e para nga moti i keq në vend. Mësohet se Pjetër Rushaj, 50-vjeçari që humbi jetën tragjikisht ditën e djeshme së bashku me djalin e tij të mitur, ishte i njohur për ndërtimet e zonës alpine në Malësinë e Madhe dhe Dukagjin.

Pikërisht dje, Rushaj u nis me djalin e tij, Jason Rusha, 14 vjeç e me vajzën e mitur për të parë nëse dy shtëpizat e drurit që kishte ngritur bashkë me të vëllanë, kishin marrë dëmtime nga moti i keq. Ai mori me vete edhe dy fëmijët e tij, pa e ditur se ky do të ishte udhëtimi i fundit që do të bënin bashkë.

Pikërisht në zonën e njohur si “Grykë Lugje”, iu ndërpre rruga. Uji mori makinën përpara dhe 50-vjeçari zbriti vajzën e i tha së shkonte në fshatin më të afërt për të marrë një kavo për ta tërhequr. Më pas doli edhe vetë bashkë me djalin nga mjeti. Por, kur një vrull i fuqishëm uji nga “Përroi i Thatë” i rrëmbeu djalin nga duart, Rushaj u hodh ta shpëtonte. Por, për fat të keq, të dy ndërruar njetë. Vajza u ndihmua nga një banor i zonës. Trupat e babë e bir u gjetën 16 orë më vonë.

permbytet shqiperia 2022

Sondazh

Poll

MË SHUMË