Aktualitet

SHBA-të ngrenë alarmin për sulm të mundshëm në "Samitin Irani i Lirë" në Durrës/ Hoxha: Sa kohë të jetë baza në Durrës, mund të sulmohemi

Gazetari investigativ Artan Hoxha tha se se për sa kohë grupi të qëndrojë në Shqipëri, vendi ynë do të jetë në rrezik të vazhdueshëm për të qenë pre e sulmeve. 

21 Korrik 2022, 23:47 Nga k.m.
SHBA-të ngrenë alarmin për sulm të mundshëm në
Artan Hoxha dhe Ambasada Amerikane

TIRANË- Ambasada amerikane në Tiranë ka dhënë një paralajmërim, për një kërcënim të mundshëm në Samitin Botëror të Iranit të Lirë, që do të zhvillohet në qytetin e Durrësit. Gazetari investigativ Artan Hoxha ka qenë i ftuar në "Të Paekspozuarit" kur është publikuar ky njoftim dhe ka bërë një koment duke u shprehur se për sa kohë grupi të qëndrojë në Shqipëri, vendi ynë do të jetë në rrezik të vazhdueshëm për të qenë pre e sulmeve. 

"Shërbimet e anti-terrorit në Shqipëri, ndërmorën një operacion për të goditur një grup personash duke identifikuar edhe shtetas iranianë dhe baza të tyre, duke kontrolluar banesa dhe lokale, që ishin kamufluar si shoqata të shoqërisë civile, që punonin për veprimtari agjenturore. Objektivi, marrja e informacioneve për bazën Ashraf në Manzë, veprimtari kundërspiunazhi ndaj tyre, aktivitete apo rekrutim të pjesëtareve brenda bazës së Manzës dhe mundësia për ta sulmuar objektin. Sa kohë ajo bazë do të jetë aty, territori i Shqipërisë mund të bëhet objekt i sulmeve. Ka patur edhe në të shkuarën tentativa,"- tha Hoxha. 

Samiti do të mbahet në kampin Ashraf, në afërsi të Manzës, rreth 30 km larg Tiranës. Atje kanë qytetin e tyre të paktën 3 mijë muxhahedinë që ndodhen në Shqipëri. Muxhahedinët konsiderohen grup terrorist nga Republika Islamike e Iranit dhe prej dekadash ndodhen në konflikt të hapur me regjimin atje.

Mbi 50 persona që dyshohet se janë të rekrutuar nga Irani për të bërë akt terrorist gjatë këtij samiti që do mbahet në Manëz, pas dy ditësh. Shërbimet inteligjente të policisë shqiptare e partenerëve ndërkombëtarë kanë kapur disa mesazhe të koduara që flasin për një akt të mundshëm terrorist me pasoja ndaj muxhahedinëve dhe sigurisë kombëtare në Shqipëri.

Ndërsa disa ditë më parë SPAK nisi një hetim për një grup me 20 persona, të gjithë ish-anëtarë të MEK, kishin në shënjestër opozitën iraniane që strehohet në vendin tonë në Manzë. Ata ishin rekurtuar nga agjencitë e shërbimeve sekrete iraniane dhe mbledhin të dhëna për kampin në Manzë, ku mendohet se kishin planifikuar një sulm terrorist.

Në Tetor të 2020 u arrestua ish-anëtari i MEK, Bijan Poolagrad si pjesë e kësaj celule. Ai u kallëzua nga nga personi që jetionte me qira.  Ai ndërhynte në rrjetet sociale të personave të tjerë, i merrte nën kontroll ato dhe kontaktonte me bashkëpunëtorët e tij, të cilëve i çonte foto, video dhe informacione për kampin. Ndërsa hetimet e fundit kanë zbuluar se në ndihmë të këtyre iranianëve kishte dhe shqiptarë, por deri më tani nuk ka asnjë të identifikuar me emër. Ndërsa hetimet vazhdojnë për të zbardhur të gjithë dosjen e plotë. 

artan hoxha ambasada amerikane

Sondazh

Poll

MË SHUMË