Politike

"Shih budallai, xhaxhi Luli"/ Basha ia kthen Ramës përgjigjen nga Twitter

Basha thotë se Rama bën sikur ka hallin e Thaçit dhe nga ana tjetër promovon marrëveshjen e Novi Sadit.

21 Korrik 2022, 12:03 Nga f.g
"Shih budallai, xhaxhi Luli"/ Basha ia kthen Ramës
Lulzim Basha

TIRANE- Deputeti i Partisë Demokratike Lulzim Basha ka gjetur sot "energjinë" që i duhet për tu përballur me kryeministrin Edi Rama por jo nga Kuvendi. Vendi në foltore iu dha kryetarit të PD Sali Berisha, ku nuk munguan edhe përplasjet verbale me kryeministrin Edi Rama, ndërkohë që Bashës i ka ngelur "Tëitter". Në një postim të fundit, Basha thotë se Rama bën sikur ka hallin e Thaçit dhe nga ana tjetër promovon marrëveshjen e Novi Sadit. 

POSTIMI I PLOTE: 

Ky që gjoja ka hallin e Thaçit, e ka pasur mundësinë ta dëgjojë e ndihmojë ndërsa promovonte marrëveshjen e Novi Sadit. Mjafton ky citim i Thaçit për të kuptuar hallin e tij Serbia ka kryer gjenocid kundër qytetarëve të Republikës së Kosovës dhe sot jo vetëm që mohon krimet e kryera, por vazhdon të mos e pranojë ekzistencën e shtetit tonë. Në një situatë të tillë, thirrjet dhe iniciativat për bashkëpunim rajonal janë krejtësisht të pakuptimta.

Serbia dhe Bosnje Hercegovina nuk e njohin shtetin e Kosovës. Kjo nënkupton se këto dy shtete nuk duan fqinjësi të mirë dhe bashkëpunim me Kosovën. Prandaj, për aq kohë sa nuk do të ketë njohje reciproke me këto shtete, nuk mund të këtë përparim në aspektin e bashkëpunimit rajonal.

Por pse u detyrua Basha të përdorte Twitter? Më herët, Basha tentoi të merrte fjalën për replikë në Kuvend, por kryeministri Edi Rama e quajti "budalla", pasi në Kuvend kishin hyrë disa fëmijë dhe në shenjë "respekti" sipas tij, Kuvendi duhet të ndërpriste debatin politik. Rama quajti Bashën "budalla dhe xhaxhi Luli", ndërsa Berishën "gogoli që tremb fëmijët". 

 

lulzim basha sali berisha seance plenare 21 korrik 2022

Sondazh

Poll

MË SHUMË