Politike

"Hap historik"/ Komiteti Mysliman i Shqipërisë: Lusim Zotin që sa më shpejt Shqipëria të bëhet anëtare e BE

Duke vlerësuar se kemi një barrë të rëndë përpara në plotësimin e kushteve, Spahiu uron që kjo të ndodhë sa më shpejt në mënyrë që Shqipëria të bëhet anëtare e BE.

20 Korrik 2022, 17:32 Nga k.m.
"Hap historik"/ Komiteti Mysliman i Shqipërisë: Lusim Zotin
Foto ilustruese

TIRANË- Kryetari i Komunitetit Mysliman të Shqipërisë, Bujar Spahiu, ka përshëndetur çeljen e negociatave me BE për Shqipërinë dhe Maqedoninë e Veriut, duke e cilësuar një hap historik për dy vendet por dhe mbarë rajonin. Duke vlerësuar se kemi një barrë të rëndë përpara në plotësimin e kushteve, Spahiu uron që kjo të ndodhë sa më shpejt në mënyrë që Shqipëria të bëhet anëtare e Bashkimit Europian.

"Vizioni i paraardhësve të mi përgjatë një shekulli mëvetësi të Komunitetit Mysliman të Shqipërisë, hoxhallarëve e dijetarëve rilindas të fesë Islame ka qenë orientimi dhe vokacioni pro perëndimor i Shqipërisë. I tillë mbetet edhe për ne ky orientim. Çelja e negociatave për Shqipërinë dhe Maqedoninë e Veriut është një hap historik për vendet tona dhe mbarë Rajonin. Të gjithë aktorët dhe faktorët e ndryshëm, brenda dhe jashtë vendit, kanë një kontribut të çmuar në këtë arritje. E rëndë do të jetë pesha dhe përgjegjësia për të gjithë ne, veçanërisht klasën politike, për të plotësuar me rigorozitet kushtet për anëtarësim të plotë në BE. Shpresojmë dhe i lutemi Zotit që kjo rrugë në të cilën sapo kemi hyrë të jetë sa më e shpejtë në përmbushjen e kritereve për të finalizuar plotësisht ëndrën kahershme, të qenit vend anëtarë me të drejta të plota i BE. Urime Shqipëri!,"-shkruan Spahiu.

Ditën e djeshme u mbajt në Bruksel konferenca e parë ndërqeveritare me Bashkimin Europian. Tashmë Shqipëria zyrtarisht ka çelur negociatat me BE. Hapja e negociatave do të thotë një proces teknik që nis me kontrollin e plotë të administratës shtetërore shqiptare dhe të gjithë legjislacionit shqiptar që të përafrohet me legjislacionin e Bashkimit Europian.

bujar spahiu negociatat me be 2022

Sondazh

Poll

MË SHUMË