Politike

Hakerat kërkuan 30 mln euro pas sulmit kibernetik? Rama: S'është e vërtetë! Ndalni valën e shpifjeve

Edi Rama bën thirrje që të mos përhapet panik lidhur me pasojat e sulmit kibernetik.

20 Korrik 2022, 16:26 Nga k.m.
Hakerat kërkuan 30 mln euro pas sulmit kibernetik? Rama:
Edi Rama

TIRANË- Pas sulmit kibernetik ndaj faqeve të shërbimeve online, kryeministri Edi Rama ka përgënjeshtruar lajmin se hackerat kanë shkatërruar të dhënat e shtetit shqiptar dhe kërkojnë 30 milionë euro në Bitcoin. Në reagimin e tij në Twitter, Rama bën thirrje që të mos përhapet panik lidhur me pasojat e sulmit kibernetik, ndërsa mohon kategorikisht të gjitha informacionet e lajmit të publikuar sot në "Top Channel". Ndër të tjera, kryeministri thotë se AKSHI së bashku me një skuadër të specializuar ekspertësh të huaj po punojnë ditë e natë për rimëkëmbjen e plotë të sistemeve. 

"AKSHI dhe një skuadër e superspecializuar ekspertësh të huaj ,po luftojnë natë e ditë për rimëkëmbjen e plotë në kohë rekord të sistemeve pas zmbrapsjes së sulmit. Është e turpshme që të gënjehet publiku në këtë farë feje, cilatdo qofshin motivet e kësaj vale shpifjesh haluçinante! Lajmet për një gjobë 30 milionë euro nga hakerat apo për shkatërrimin e të dhënave janë krejt të rreme! Qeveria ka informuar aq sa mund të informojë, në ndërkohë që lufta nuk ka mbaruar dhe pas hakerave qëndron një shtet tjetër, jo një bandë dosido digjitale që merret me gjoba! Gjyqet me median për shpifje, përfshirë edhe shpifjet që përhapin panik, nuk janë në praktikën e qeverisë sonë! Prandaj i bëj thirrje publike TCH të ndalë menjëherë valën e shpifjeve dhe përhapjen e panikut lidhur me pasojat e agresionit kibernetik mbi Shqipërinë,"-shkruan Rama. 

Kaluan katër ditë dhe e-albania, shërbimi on line i të gjithë zyrave të shtetit nuk është ringritur. Pothuajse janë paralizuar shërbimet në pjesën më të madhe të zyrave të shtetit. Zyrtarisht autoritetet shtetërore flasin për një sulm kibernetik të ngjashëm me atë që ka ndodhur në vendet e tjera, por Top Channel shkruan se sulmi vjen nga Irani dhe se hackerat kërkojnë shpërblim 30 milionë dollarë në bitcoin.

edi rama hackerat sulmojne shqiperine

Sondazh

Poll

MË SHUMË