Aktualitet

VD/ Kishte futur emigrantë të paligjshëm në bagazhin e makinës, arrestohet 45-vjeçari

Ai i kishte futur 2 emigrantët në bagazhin e makinës tip BMW dhe ju kishte premtuar kalim të sigurt drejt vendeve të BE.

20 Korrik 2022, 10:29 Nga e.k
VD/ Kishte futur emigrantë të paligjshëm në bagazhin e
Momenti i arrestimit

ELBASAN- Një 45-vjeçar i identifikuar me inicialet F.L është arrestuar në flagrancë nga blutë e Elbasanit pasi po transportonte emigrantë të paligjshëm kundrejt fitimit. 45-vjeçari u arrestua në aksin rrugor Librazhd-Qafë Thanë. Ai i kishte futur 2 emigrantët në bagazhin e makinës tip BMW dhe ju kishte premtuar kalim të sigurt drejt vendeve të BE.

NJOFTIMI I POLICISË:

Elbasan/Finalizohet operacioni policor i koduar “Premtimi”, për goditjen e veprimtarisë kriminale në fushën e dhënies ndihmë për kalim të paligjshëm të kufijve.
Operacioni u zhvillua nga Seksioni për Hetimin e Trafiqeve të Paligjshme, në bashkëpunim me Policinë Rrugore, në DVP Elbasan.
U kap duke transportuar emigrantë të paligjshëm, vihet në pranga 45-vjeçari.
Në zbatim të planit të masave për të parandaluar dhe goditur aktivitetin e paligjshëm të dhënies ndihmë shtetasve të huaj, për kalim të paligjshëm të kufijve dhe tranzitimin e tyre në territorin shqiptar, me destinacion vendet e BE-së, nga specialistët për Hetimin e Trafiqeve të Paligjshme në DVP Elbasan, në bashkëpunim me Policinë Rrugore, u organizua dhe u finalizua operacioni policor i koduar “Premtimi”, si rezultat i të cilit u arrestua në flagrancë shtetasi F. L., 45 vjeç, banues në Korçë.
Ky shtetas është kapur nga shërbimet e Policisë Rrugore, në aksin rrugor Librazhd-Qafë Thanë, duke transportuar me automjetin tip "BMë", 2 emigrantë të paligjshëm, të cilëve iu kishte premtuar kalimin drejt vendeve të BE-së.
Në cilësinë e provës materiale janë sekuestruar automjeti, 1 aparat celular dhe 850 euro që dyshohet se janë përfituar nga kjo veprimtari e paligjshme.
Materialet i kaluan Prokurorisë, për veprime të mëtejshme procedurale, për veprën penale "Ndihma për kalim të paligjshëm të kufijve".

elbasan

Sondazh

Poll

MË SHUMË