Politike

"Historike dhe e merituar", Kuleba uron Shqipërinë dhe RMV-në për hapjen e negociatave

Në një postim në Twitter ai ka shprehur vlerësimin e tij për hapjen e negociatave për Shqipërinë dhe Maqedoninë e Veriut drejt BE-së.

19 Korrik 2022, 17:39 Nga d.a.
"Historike dhe e merituar", Kuleba uron Shqipërinë dhe
Dmytro Kuleba

BRUKSEL- Ministri i Jashtëm i Ukrainës, Dmytro Kuleba, ka uruar Shqipërinë dhe Maqedoninë e Veriut për hapjen e negociatave me Bashkimin Europian.

Në një postim në Twitter ai ka shprehur vlerësimin e tij për hapjen e negociatave për Shqipërinë dhe Maqedoninë e Veriut drejt BE-së.

"Mirëpres vendimin për hapjen e negociatave të BE-së me Shqipërinë dhe Maqedoninë e Veriut. Historike dhe e merituar, të dashur kolegë Olta Xhaçka dhe Bujar Osmani. Bashkimi Evropian edhe një herë dëshmoi se ka muskuj për të udhëhequr, krijuar mundësi të reja dhe të formësojë të ardhmen e Evropës”, ka shkruar Kuleba.

Sot u mbajt në Bruksel konferenca e parë ndërqeveritare me Bashkimin Europian. Tashmë Shqipëria zyrtarisht ka çelur negociatat me BE. Hapja e negociatave do të thotë një proces teknik që nis me kontrollin e plotë të administratës shtetërore shqiptare dhe të gjithë legjislacionit shqiptar që të përafrohet me legjislacionin e Bashkimit Europian.

dmytro kuleba negociatat me be 2022

Sondazh

Poll