Aktualitet

I vunë zjarrin tokave, vihen nën hetim 4 persona

Si pasojë e zjarreve në në fshatin Çorrush, Mallakastër janë djegur dy kasolle bagëtish, pemë ulliri dhe pemë frutore.

19 Korrik 2022, 17:07 Nga e.k
I vunë zjarrin tokave, vihen nën hetim 4 persona
Foto ilustruese

LUSHNJE- Katër persona janë vënë në hetim nga Policia si autorë të dyshuar të disa vatrave të zjarrit. Nga Lushnja në Mallakastër dhe Fier pasi ata dyshohet se kanë shkaktuar rënien zjarreve masive në momentin që kanë qenë dukje djegur barëra në tokën e tyre. Si pasojë e zjarreve në në fshatin Çorrush, Mallakastër janë djegur dy kasolle bagëtish, pemë ulliri dhe pemë frutore.

NJOFTIMI I POLICISË:

Në vijim të punës hetimore për identifikimin dhe vënien përpara përgjegjësisë ligjore të autorëve të zjarrvënieve të qëllimshme apo nga pakujdesia, specialistët për Hetimin e Krimeve në Komisariatin e Policisë Lushnjë referuan materialet në Prokurori dhe nisi procedimi penal në gjendje të lirë për shtetasin Gj. C., banues në Allkaj, Lushnjë, pasi ditën e djeshme ka ndezur zjarr për djegien e barërave në tokën e tij dhe si pasojë e përhapjes së flakëve është djegur një sipërfaqe toke me vreshtari, në pronësi të shtetasit E. M.

Po nga këto struktura nisi procedimi penal për shtetasin Ll. G., banues në Kamçisht, Lushnjë, pasi ka ndezur zjarr për djegien e barërave dhe për pasojë është djegur një sipërfaqe toke me mbetje gruri.


Specialistët për Hetimin e Krimeve në Komisariatin e Policisë Mallakastër referuan materialet në Prokurori dhe nisi procedimi penal për shtetasin H. H., pasi në fshatin Çorrush, Mallakastër, ka ndezur zjarr për djegien e barërave në tokën e tij dhe si pasojë e përhapjes së flakëve janë djegur dy kasolle bagëtish, pemë ulliri dhe pemë frutore.

Specialistët për Hetimin e Krimeve në Komisariatin e Policisë Fier referuan materialet në Prokurori dhe nisi procedimi penal për shtetasin M. K., pasi në Roskovec, ka ndezur zjarr për djegien e barërave në tokën e tij dhe si pasojë e përhapjes së flakëve është djegur plastmasi i serave, në pronësi të shtetasit A. S.

Materialet i kaluan Prokurorisë, për veprime të mëtejshme.

lushnje

Sondazh

Poll

MË SHUMË