Aktualitet

“Ma, po na ndjekin!”/ Vata ndjeu se do i vrisnin, TELEFONATA E FUNDIT, “misteri” i mjetit

Familjarët e Diklen Vatës kanë bërë me dije se tre të rinjtë kishin pikasur se po ndiqeshin nga persona të panjohur.

19 Korrik 2022, 12:56 Nga k.m.

“Ma, po na ndjekin!”/ Vata ndjeu se do i vrisnin, TELEFONATA E

FUSHË KRUJË- Tre të rinjtë e dinin që po ndiqeshin. Brilant Martinaj, Diklen Vata dhe Besmir Hoxha e kishin pikasur mjetin identik me të tyrin që nuk u ndahej për asnjë moment gjatë rrugës nga Rinasi drejt Tiranës. Këto detaje i kanë bërë me dije familjarët e Diklen Vatës, në dëshminë që ata kanë dhënë në Polici. Ata kanë bërë me dije se tre të rinjtë kishin pikasur se po ndiqeshin nga persona të panjohur. Vata, referuar dëshmisë, kishte marrë në telefon nënën dhe motrën duke i thënë: Po na ndjekin

Po ashtu, në sajë të kamerave të sigurisë, por edhe dëshmisë të shokut të viktimave është zbuluar itinerari i fundit që kanë përshkruar para atentatit. Gjatë paradites ata kanë qenë në një lokal në Rinas, ndërsa në mesditë ishin në një restorant të njohur afër mbikalimit të Fushë-Krujës, ku edhe kanë parkuar makinën “Volksëagen Passat”. Ka qenë një shoku i tyre, ai që i dërgoi deri në Kamëz tek një servis ku kishin lënë një tjetër makinë për riparim.

Duke qenë se makina nuk ishte gati ata janë kthyer po me mjetin e mikut të tyre, deri tek restoranti ku kishin “Passatin”, e më pas kanë marrë rrugën për nga mbikalimi i Fushë-Krujës. Por pikërisht këtu janë hasur me breshërinë e plumbave nga 4 ose më shumë persona që nuk i kanë kursyer për asnjë moment për t'u marrë jetën të rinjve. 

Ç'ka ndodhur në Fushë Krujë?

Dy ditë më parë, tre persona u vranë në një atentat në mbikalimin e Fushë-Krujës. 4 dyshohet se ishin atentatorët të cilët kanë qenë të maskuar, njëri prej tyre drejtues i mjetit i cili më pas u gjet i djegur tërësisht në fshatin Larushkë. Viktimat janë: Brilant Martinaj, Diklon Vata dhe Besmir Hoxha. Vata doli jashtë mjetit po u ekzekutua me breshëri plumbash, dy të tjerët u dogjën brenda mjetit. Tek makina e autorëve, identike me atë të viktimave, janë gjetur 1 armë automatike MP5 dhe 2 kallashnikovë.

 

masakra e fushe krujes

Sondazh

Poll

MË SHUMË