Politike

VD-Çelen negociatat me BE, Rama: Sot jam i lumtur, s'e mendoj se do gjeja lumturinë këtu

Madje ka përmendur dhe një libër të ri, tek i cili bazohet për të përshkruar rrugëtimin e Shqipërisë në Bashkimin Europian. 

19 Korrik 2022, 12:27 Nga k.m.
VD-Çelen negociatat me BE, Rama: Sot jam i lumtur, s'e mendoj se do
Edi Rama

BRUKSEL- Kryeministri Edi Rama në fjalën e tij në Konferencën e Parë Ndërqeveritare në BE foli në lidhje me rrugëtimin e vendit drejt BE-së dhe sfidat me të cilat jemi përballur në këto vite. Madje ka përmendur dhe një libër të ri, tek i cili bazohet për të përshkruar rrugëtimin e Shqipërisë në Bashkimin Europian. 

"Po, është një luftë e vazhdueshme, por më lejoni ta përfundoj me interpretimin e Albert Kamy tek “Miti i Sizifit”. “Vetë lufta drejt lartësive mjafton për të mbushur zemrën e njeriut” dhe kjo është gjithashtu arsye pse Kamy sugjeron se duhet ta imagjinojmë Sizifin të lumtur. Sot unë jam i lumtur! Zemrat e njerëzve që përfaqësoj janë të mbushura me lumturi! Asnjëherë nuk mendoja se do të gjeja lumturinë në këtë ndërtesë. Ato janë të mbushura me një vendosmëri të re për të vazhduar rrokullisjen e gurëve të integrimit europian deri në majën e kodrës dhe ata janë gjithashtu të mbushur me shpresë, shpresë se përnjëherë, miti dhe politika do të copëtohen. Shpresa se përnjëherë, realiteti i ngjitjes sonë dhe fati i Sizifit do jetë ndryshe, se një ditë do kemi sukses ta arrijmë majën e malit dhe të mos jemi të detyruar të rrokullisemi prapa dhe se ndoshta, vetëm ndoshta, ka pasur një gjë që miti i Sizifit nuk na e ka thënë kurrë, që ai vend, në majë të malit quhet shtëpi dhe është vendi ku kemi përkitur gjithmonë, në Bashkimin Europian, në familjen europiane. Faleminderit,"-tha Rama.

Sot u mbajt në Bruksel konferenca e parë ndërqeveritare me Bashkimin Europian. Tashmë Shqipëria zyrtarisht ka çelur negociatat me BE. Hapja e negociatave do të thotë një proces teknik që nis me kontrollin e plotë të administratës shtetërore shqiptare dhe të gjithë legjislacionit shqiptar që të përafrohet me legjislacionin e Bashkimit Europian.

edi rama negociatat me be 2022

Sondazh

Poll

MË SHUMË