Aktualitet

Konteineri në Durrës bëri "xhiro" nëpër port, DETAJET nga DOSJA e Prokurorisë

Një ngjarje e çuditshme dhe e dyshimtë ndodhi pasditen e të dielës, kur u raportua se në një konteiner të nisur nga Ekuadori mungonin 49 kuti.

18 Korrik 2022, 14:16 Nga f.g
Konteineri në Durrës bëri "xhiro" nëpër port,
Foto ilustruese

DURRES- Prokuroria e Durrësit ka arritur të zbulojë skemën e plotë të lëvizjes së konteinerit me banane, kryefjalë e ditës duke mësuar se konteineri i cili siç raportoi edhe dje Dosja.al, hyri në portin e Durrësit në zonën e terminalit të mallrave më 8 korrik. Konteineri me banane, ku munguan 49 arka u lëviz nga kati i parë në të tretin më 13 korrik, ndërsa policia e zbuloi ngjarjen pasditen e 16 korrikut.

Por çfarë thuhet në dosje? 

"Më datë 13.07.2022, ora 21:57, kontejneri është lëvizur nga kati i 1 në katin e 3. Më datë 13.07.2022 dhe 14.07.2022 shtetasi Skënder Plaku ka planifikuar në shërbim në vend shërbimin nr. 44 dhe nr. 44/1 vetëm një person, ndërkohë që sipas rregullores dhe nevojës së shërbimit, duhet të ishin në shërbim dy persona.
Në këto kushte më datë 17.07.2022, pra 03:35, policia gjyqësore ka proceduar me arrestimin në flagrancë të shtetasve Jurgen Gjeçi, Armand Murataj, Gentian Halili, Azgan Zeka, Skënder Plaku, Adi Qevanaj, Kastriot Ducka, Mentor Dyrmishi, Kladuio Lala, Shpëtim Hajdari, Andrea Xhavara, Adem Brasha, Veis Kuci, Rajd Bleta, Ali Bajrami, Gjergji Doraci, Shefqet Elezi dhe Profit Tola, si të dyshuar për veprën penale “Shpërdorim i detyrës”. Ndërsa shtetasit Altin Muhametaj dhe Nazmi Allgjata, si i dyshuar për veprën penale “Kontrabanda me mallra të tjerë”, e kryer në bashkëpunim, dhe “Thyerja, heqja, zëvendësimi i shenjtave të sigurisë së autoriteteve doganore”, e kryer në bashkëpunim”, thuhet në dosjen hetimore.

Si u zbuluan 49 kutitë që mungonin në konteinerin e "BanaKing"? Një ngjarje e çuditshme dhe e dyshimtë ndodhi pasditen e të dielës, kur u raportua se në një konteiner të nisur nga Ekuadori mungonin 49 kuti. Konteineri i deklaruar se ishte mbushur me banane i përkiste kompanisë "BanaKing" në pronësi të biznesmenit Trifon Murataj. Banaking është kompania që iu kapën në dhjetor të 2021-ës një sasi rekord prej 117 kilogram kokainë. Ngjarja e të dielës është e paqartë pasi konteineri u gjet i hapur, ndërsa protokolli i administrimit nga Dogana nuk u ndoq. Konteinerit i mungonin elementët e sigurisë dhe pa plumb si dhe nuk u vendos në zonën e riskut. Sot në Gjykatë janë 20 të arrestuarit, që akuzohen për veprat penale  “Shpërdorimi i detyrës” dhe “Thyerja, heqja, zëvendësimi i shenjave të sigurisë së autoriteteve doganore”. Autoritetet dyshojnë se kutitë e marra nga konteineri ishin të mbushura me kokainë dhe për shkak të pikasjes nga agjentët e anti-drogës janë hequr nga konteineri para se të kalonin në skaner.

skandali me evazionin fiskal

Sondazh

Poll

MË SHUMË