Aktualitet

Përfundon afati i bojkotit, avokatët në të gjithë vendin iu rikthehen seancave gjyqësore

Nga e hëna avokatët në gjithë vendin të marrin pjesë në seancat gjyqësore për caktim mase, ndërsa vijon bojkoti pa afat për gjyqet në themel.

19 Korrik 2022, 11:48 Nga A.B
Përfundon afati i bojkotit, avokatët në të gjithë
Dhoma e avokatise

TIRANË-Ditën e sotme ka përfunduar afati 10-ditor i vendosur nga Këshilli i Përgjithshëm i Dhomës së Avokatisë për bojkotimin e gjyqeve të masave të sigurimit, në shenjë proteste kundër draftit të KLGJ për hartën e re gjyqësore.

Nga e hëna avokatët në gjithë vendin të marrin pjesë në seancat gjyqësore për caktim mase, ndërsa vijon bojkoti pa afat për gjyqet në themel. Të enjten e ardhshme, do të ketë një tjetër mbledhje të Këshillit të Përgjithshëm, për të përcaktuar se si do të vijohet me bojkotin. Takimi do të zhvillohet më 21 korrik në orën 11:30, vetëm një ditë para mbledhjes së paralajmëruar të Komitetit të Disiplinës. 

Avokatët në gjithë vendin prej javësh tashmë protestojnë kundër draftit të Këshillit të Lartë Gjyqësor dhe Ministrisë së Drejtësi, që parashikon uljen drastike të numrit të gjykatave në vend. Deri më tani kanë kaluar tri faza bojkoti, një protestë masive para dyerve të KLGJ-së dhe thirrje të vazhdueshme për të mos u miratuar ashtu siç është parashikuar drafti, por vazhdimisht kanë ndeshur në mospërfillje nga aktorët vendimmarrës.

harta e re gjyqesore avokate

Sondazh

Poll

MË SHUMË