Aktualitet

Fotoja e tij u gjet në celularin e Dumanit, SPAK merr në pyetje ish-oficerin e krimeve të rënda në Elbasan

Ish-oficeri është marrë në pyetje nga prokurorët që po hetojnë dosjen "Dumani", por nuk janë mësuar detaje të reja.

19 Korrik 2022, 11:34 Nga k.m.
Fotoja e tij u gjet në celularin e Dumanit, SPAK merr në pyetje
Nuredin Dumani

TIRANË- Prokuroria e Posaçme kundër Korrupsionit dhe Krimit të Organizuar ka marrë në pyetje ish-oficerin e Krimeve në Elbasan (identitetin e të cilit kemi vendosur që të mos e publikojmë për arsye sigurie), fotoja e të cilit u gjet në telefonin e Nuredin Dumanit. Ish-oficeri është marrë në pyetje nga prokurorët që po hetojnë dosjen "Dumani", por nuk janë mësuar detaje të reja.

As se në çfarë cilësie është marrë në pyetje oficeri i policisë. Por është pyetur nëse ka pasur konflikte apo kërcënime në kohën kur ka ushtruar detyrën e shefit të Krimeve në qytetin e Elbasanit.

Fotoja e tij ishte në telefonin e Dumanit, ndaj hetuesit kanë nisur që të dyshojnë se ndaj tij mund të kishte porosi për atentat. Ndaj prej më shumë se një muaji, familja e tij është marrë në mbrojtje dhe vetë oficerit i është vendosur një roje personale. Vetë Dumani nuk ka folur shumë lidhur me efektivin.

Më 19 maj të këtij viti, SPAK lëshoi 32 urdhër-arreste pas finalizimit të një megaoperacioni, që nisi pas arrestimit të Nuredin Dumanit. Operacioni është shtrirë në Elbasan, Durrës, Tiranë dhe Lezhë për goditjen e grupeve kriminale, duke shpallur në kërkim disa personazhe të njohur për botën e krimit, të cilët dyshohet se kanë kthyer vrasje.

 

nuredin dumani

Sondazh

Poll

MË SHUMË