Politike

Të martën konferenca e parë ndërqeveritare, ministri i Jashtëm Osmani: Vazhdojmë rrugën drejt BE

Bujar Osmani ka premtuar angazhim për ecurinë në rrugën drejt Bashkimit Europian.

16 Korrik 2022, 15:06 Nga k.m.
Të martën konferenca e parë ndërqeveritare, ministri i
Bujar Osmani

SHKUP- Ministri i Jashtëm i Maqedonisë së Veriut, Bujar Osmani ka përshëndetur votimin pro propozimit francez në Kuvend. Në reagimin e tij, Osmani ka premtuar angazhim për ecurinë në rrugën drejt Bashkimit Europian.

“Përshëndes konkluzionet e sotme të Kuvendit, i cili pas një debati të gjerë treditor, propozoi që Qeveria ta miratojë Propozim-kornizën negociouese për të nisur negociatat e anëtarësimit të Maqedonisë së Veriut me Bashkimin Europian. Vendi ynë do të vazhdojë në rrugën e integrimit europian, me vizionin për të qenë një vend i reformave reale europiane dhe një vend i denjë për të jetuar dhe punuar. Qytetarët ndajnë këtë vizion dhe duan të bëhen pjesë e familjes evropiane dhe të kontribuojnë në vendosjen e parimeve evropiane, demokracisë, shtetit të së drejtës dhe prosperitetit ekonomik”, shkruan ai.

Të martën Shqipëria dhe Maqedonia e Veriut do të mbajnë konferencën e parë ndërqeveritare. Kuvendi i Maqedonisë së Veriut ka miratuar sot me 68 vota pro propozimin francez për zgjidhjen e ngërçit me Bullgarinë, që do t’i hapë rrugën procesit të integrimit evropian.

bujar osmani negociatat me be 2022

Sondazh

Poll

MË SHUMË