Aktualitet

I kërkuar në Spanjë për vjedhje/ Drejtori i UKT në Kurbin, del sot para Gjykatës së Lezhës

9 Maj 2022, 07:12 Nga DOSJA

I kërkuar në Spanjë për vjedhje/ Drejtori i UKT në

LEZHË– Alfred Prodani, i cili ushtronte postin e Drejtorit të Ujësjellësit në Kurbin për 9 vite, do të dalë ditën e sotme para Gjykatës së Lezhës. 41-vjeçari, u kap ditën e premte, pasi ishte i shpallur në kërkim ndërkombëtar për vjedhje banesash në Spanjë. Aktualisht, Prodani po mbahen në dhomat e paraburgimit të Komisariatit të Policisë Kurbin, në pritje për të dalë para gjykatës për kryerjen e procedurave përkatëse që do të çojnë në ekstradimin e tij.

Në vitin 2019-të, Dosja.al raportoi denoncimin e ish-kryeministrit Sali Berisha, se Prodani, kishte marrë pjesë në grabitjen e shtëpisë së yllit të Real Madrit, Karim Benzema. Por në atë kohë, 41-vjeçari për Dosja.al i quajti akuzat e Berishës si të stisura dhe të motivuara politikisht.

Prodani u arrestua mbrëmjen e së premtes nga forcat policore të Komisariatit të Policisë Kurbin, në bashkëpunim me Interpol Tirana. 41-vjeçari banues në Kurbin u prangos pa bërë rezistence në qytetin e Laçit, ndërsa ndalimi i tij u bë me qëllim ekstradimi drejt Spanjës. Ai ishte shpallur në kërkim, pasi Gjykata Coruna në Spanjë, në vitin 2013, ka lëshuar urdhër arresti ndërkombëtar, për veprën penale “Vjedhja me dhunë”, parashikuar nga Kodi Penal i Spanjës” informon Policia e Lezhës.

(a.b)/dosja.al

Aksidenti i rëndë në Tiranë, si mund të shmangen ngjarje të tilla?

View Results

aktualitet aktualitet alfred prodani arrestohet alfred prodani alfred prodani arrestohet alfred prodani