Aktualitet

VD-E RËNDË/’G-Class’ aksidenton çiftin dhe foshnjen në Tiranë, autori del pozitiv për drogë

8 Maj 2022, 11:16 Nga DOSJA

VD-E RËNDË/’G-Class’ aksidenton çiftin dhe foshnjen

TIRANË– Konsumi i drogës dhe drejtimi i mjetit më pas mund të kishte shkaktuar një tragjedi mesditën e sotme në Tiranë! Vilma dhe Arjan Konomi, bashkë me foshnjen 3 muajsh, por kalonin rrugën tek vizat e bardha, por një makinë luksoze tip “G-Class” i ka marrë para duke u rrezikuar jetën. Ngjarja është raportuar fillimisht nga Dosja.al, e cila informoi e para me foto dhe video aksidentin e rëndë. Siç duket edhe nga pamjet e mëposhtme, çifti po kalonte rrugën, kur Ajas Sulejmani, edhe pse semafori ishte i kuq i dha gaz mjetit të tij duke marrë para familjen.

Me 140 km/orë dhe nën ndikimin e substancave narkotike, Sulejmani la çiftin e shtrirë në tokë e më pas u largua nga me shpejtësi nga vendi i ngjarjes, duke lënë pas vetëm mjetin e tij. Pa i dhënë ndihmën e parë as familjes që desh i mori jetën. Ndërkohë që më pas kishte tentuar për të devijuar dhe në trotuar duke përplasur edhe një çiklist, por ky i fundit nuk ka lëndime serizoze.

Ishin kalimtarë të rastit por edhe mjekët e një klinike përballë vendit të ngjarjes ata që shkuan dhe u dhanë ndihmën e parë, gjë që ka rezultuar vendimtare për gruan 43-vjeçare, e cila ishte në gjendje më të rëndë. Më pas, të plagosurit janë transportuar në spitalin e Traumës, ku fatmirësisht gjendjen jashtë rrezikut për jetën. Po ashtu, edhe foshnja është në gjendje të mirë.

Ndërkohë që autori i aksidentit është vetëdorëzuar në një spital në Tiranë ku pretendon se kishte dërguar të bijën (4 vjeç) për mjekim. Ndërsa në Komisariatin e Policisë së Shtetit ndodhet edhe kushëriri dhe shoku i Sulejmanit. Kjo pasi në momentin e mbërritjes së forcave të Policisë së Shtetit në zonë, nisën edhe kontrollet në mjetin luksoz. Të afërmit e Sulejmanit tentuan të negocionin me forcat blu, duke rezistuar edhe në mosdorëzimin e telefonave celularë. Ndaj dhe në fund iu vunë prangat.

Nga ana tjetër, e vetë Ajas Sulejmani nuk është emër i panjohur për Policinë. Makina ‘G Class’ është në pronësi të tij dhe ka targa gjermane, por nuk ka një patentë që t’i japë makinës, pasi i është hequr prej tre javësh, ndërkohë që është ndëshkuar edhe 8 herë të tjera nga Policia. Gjithashtu, Sulejmani ka qenë i shpallur në kërkim në vitin 2014 nga autoritetet amerikane, pasi akuzohej për trafikim të lëndëve narkotike. Por deri më tani nuk dihet nëse vazhdon të jetë në kërkim, e qarkullonte i lirë nëpër Tiranë, apo i kishte mbyllur “hesapet” me drejtësinë.

ZHVILLIMET ORE PAS ORE:

Shpëtoi për mrekulli, aksidenti i sotëm desh i mori jetën dhe një burri me biçkletë

Aksidentoi çiftin dhe foshnjën/ Shoferi kishte konsumuar drogë, testi i del pozitiv (VIDEO)

VD-Është shëndoshë e mirë! Shoferi i G-Classit arrestohet, Policia e nxorri nga spitali

Aksidentoi çiftin e foshnjën, Policia: Shoferi, problematik! 8 herë e kemi ndëshkuar

U aksidentuan nga mjeti luksoz, si është gjendja e çiftit (DIAGNOZA)

‘Kisha vajzën’/ DËSHMIA-Përplasi çiftin me foshnjën, autori tregon pse iku nga vendngjarja

E FUNDIT/ 2 orë në arrati! Përplasi çiftin e foshnjen me “G-Class”, vetëdorëzohet autori

U përplasën nga “G Classs”/Gruaja ishte rëndë, ndihma e parë nga laborantët i shpëtoi jetën

Aksidenti në Tiranë/ Zbulohet vendndodhjen e Sulejmanit, pritet dorëzimi i tij

Përplasi çiftin në Tiranë! Kush është Ajas Sulejmani, në kërkim nga Anglia për drogë

EMRAT/ U aksidentuan në vijat e bardha bashkë me foshnjen 3 muajshe, identifikohet çifti