Aktualitet

Vdekja e Ilvi Metës, Gjykata lë në burg për 3 policët, avokati: Ka pakujdesi, jo faj!

7 Maj 2022, 11:05 Nga DOSJA
Vdekja e Ilvi Metës, Gjykata lë në burg për 3 policët,

KAVAJË- Gjykata e Kavajës ka vendosur masën e sigurisë për tre efektivët e Komisariatit të prangosur pas vdekjes së 31-vjeçarit Ilvi Meta, mbrëmjen e 5 majit. Togat e zeza kanë vendosur që ndaj efektivëve: Petrit Brahimaj, Bexhet Berberi dhe Rushit Kola, të caktojnë masën e sigurisë “arrest me burg”, deri në përfundimin e gjykimit të çështjes.

Pas ngjarjes së rëndë të vdekjes së të riut brenda Komisariatit, Prokuroria e Kavajës nisi hetimet menjëherë, duke kërkuar arrestimin e efektivëve, të cilët akuzohen se nuk e kanë ushtruar kontrollin siç duhet për të siguruar jetën e të prangosurit. Deri më tani, pretendohet se Meta është vetëvrarë me rripin e xhupit, send që nuk i ishte hequr në momentin që ishte vendosur në izolim, e që me të mund të dëmtonte potencialisht veten. Ndërkohë që avokati i tre efektivëve të arrestuar është shprehur për mediat se kjo është një masë e padrejtë.

“Nevojat e sigurimit nuk janë për këtë masë edhe në raport me veprën. Ka pakujdesi, por jo faji, nuk janë të rrezikshëm për shoqërinë. Kërkuam një masë më të butë,”-tha avokati i tij për mediat.

31-vjeçari, u gjet pa shenja jete rreth orës 19:00 në qelinë e paraburgimit, disa orë pasi ishte arrestuar për vjedhje, vepër penale për të cilën është arrestuar 3 vite më parë. Në vitin 2010, më 7 shtator, Gjykata e Durrësit e kishte dënuar atë me 4 muaj burg. Pas daljes nga qelia, ai do të merrte një dënim tjetër, kësaj here nga Gjykata e Kavajës. Më 13 mars 2011, ai është dënuar me 8 muaj burg. Dënimi i fundit i Metës rezulton në vitin 2012, ku Gjykata e Kavajës e dënoi kësaj here me 16 muaj burg për vjedhje.

Ilvi Meta i cili ishte ndaluar ditën e mërkurë, dyshohet se i ka dhënë fund jetës brenda qelisë duke u vetëvarur, vetëm 6 orë pas shoqërimit nga ana e Policisë, duke e bërë rastin e dytë në vend që një person i merr jetën vetes në ambientet e paraburgimit. I pari ndodhi në Kamëz, në ambientet e komisariatit numër 5 në Tiranë ku Arben Mici, 26 vjeç, një i ri i ndaluar për dhunë në familje i vuri flakën qelinë ku ndodhej bashkë me një të ndaluar tjetër. Mici ndërroi jetë i asfiksuar, ndërkohë që efektivët shikonin ndeshje futbolli. Për këtë ngjarje, pas hekurave është ndodhet vetëm Dilaver Idrizi, i ndaluari tjetër që dyshohet si bashkëpunëtor në ngjarje. Efektivët janë liruar dhe pse vijojnë të jenë nën hetim.

(e.k.dosja.al)

Aksidenti i rëndë në Tiranë, si mund të shmangen ngjarje të tilla?

View Results

aktualitet aktualitet gjykata e kavajes ilvi meta kavaje vetevaret ilvi meta gjykata e kavajes ilvi meta kavaje vetevaret ilvi meta

Sondazh

Poll

MË SHUMË