Politike

Kandidat për Këshillin Kombëtar, Kapexhiu: Gardhi i PD s’do më izolojë, do jem kritik

30 Prill 2022, 07:59 Nga DOSJA

Kandidat për Këshillin Kombëtar, Kapexhiu: Gardhi i PD s’do

TIRANË– Një nga kandidatët për Këshillin Kombëtar të Partisë Demokratike është edhe artisti Bujar Kapexhiu. Për Panorama.al, ai ka deklaruar se partia nuk do e izolojë e se do të vijojë të jetë kritik për ato që shikon brenda PD-së. Ai u shpreh se me politikë është marrë përgjatë gjithë karrierës së tij përmes karikaturës duke goditur atë që e ka parë si të pavend.

Pyetje: Do ju shohim më shpesh në politikë tani?

Bujar Kapexhiu: Kënaqësi që organizatorët më ftojnë të jem në Këshillin Kombëtar. Me kënaqësi do jap kontributin tim. Hyrja që thoni ju në politikë ndoshta nuk është e tanishme se do të jem nëse do të jem anëtar i Këshillit Kombëtar, unë me politikën jam marrë gjithmonë me artin tim të karikaturës, kam ndjekur hap pas hapi politikanë të vecantë. Sidomos në gabimet e politikanëve kam bërë karikaturë duke i goditur pa i fyer por si qëndron e vërteta sipas mendimit tim. Nëse unë gjatë këtyre viteve kam dhënë një kontribut modest në linjën e politikës shqiptare atëherë do e quaja që me artin tim merrem cdo ditë me politikë.

Pyetje: Jeni kandidat për të qenë pjesë e strukturave kryesore, si e shihni momentin në të cilin vendosni të anëtarësoheni? PD është në një krizë!

Bujar Kapexhiu: Nuk është puna që unë po angazhohem. Kjo s’do të thotë që ai gardhi i PD mua do më izolojë. Unë do shoh problemet dhe brenda këtij oborri, me syrin kritik brenda direktivave të PD. Dhe unë kam menduar ndonjëherë më mirë më i saktë e i frytshëm kontributi im do jetë brenda apo jashtë? Deri tani kam qenë jashtë. Brenda ndoshta do i njoh më mirë e të gjitha kritikat që do bëj do jenë më profesionale të sakta e kontributi im do jetë më i madh.

Pyetje: Nga një sy i jashtëm, si jeni tani mendoni që PD do e kalojë këtë krizë ku është futur?

Bujar Kapexhiu : Unë jam një optimist dhe me optimizmin tim dhe që edhe PD do e kalojë padyshim këtë situatë të vështirë se është aset i politikës shqiptare, duhet të gjithë ne dhe ata që nuk janë me PD të lusin Zotin që të rregullohen gjërat në PD, të vijë një opozitë e vërtetë përballë këtij regjimi të mbrapshtë.

LAJMI KRYESOR: PD mbledh Kuvendin Kombëtar! Rikthehen emrat e njohur, votohet për Këshillin Kombëtar

(a.b)/dosja.al

Aksidenti i rëndë në Tiranë, si mund të shmangen ngjarje të tilla?

View Results

politike politike bujar kapexhiu kuvendi i pd 30 prill 2022 bujar kapexhiu kuvendi i pd 30 prill 2022