Aktualitet

Reklamonin armë e drogë në rrjete sociale, arrestohen babai dhe dy djemtë në Shkodër

11 Janar 2022, 10:51 Nga DOSJA

Reklamonin armë e drogë në rrjete sociale, arrestohen babai dhe

SHKODËR – Policia e Shkodrës ka arrestuar një 50-vjeçar dhe dy djemtë e tij, pasi reklamonin drogë dhe armë zjarri në rrjete sociale. Gjatë kontrollit në banesën e tyre, blutë e qytetit kanë sekuestruar 2.3 kilogramë lëndë narkotike, një armë zjarri, fishekë luftarakë, dy celularë dhe një makinë.

Në pranga kanë përfunduar Florian Mali, 18 vjeç, Emirion Mali, 21 vjeç (vëllezër) dhe babai i tyre, Gëzim Mali, 50 vjeç, banues në fshatin Bardhaj.

Njoftimi i Policisë:

Finalizohet operacioni policor i koduar “Investigation”, për goditjen e veprimtarisë kriminale në fushën e narkotikëve dhe armëmbajtjes pa leje. Operacioni nga strukturat hetimore të DVP Shkodër, në bashkëpunim me Forcën Operacionale dhe “Shqiponjat”. Reklamonin drogë dhe armë në rrjetet sociale, identifikohen dhe vihen në pranga 3 shtetas. Sekuestrohen 2.3 kg lëndë e dyshuar cannabis sativa, 1 armë zjarri, fishekë luftarak, 2 aparate celulare dhe 1 automjet. Në vijim të punës për parandalimin, evidentimin dhe goditjen e veprimtarisë kriminale në fushën e narkotikëve dhe armëmbajtjes pa leje, pas një pune investigative të pandërprerë për 2 vëllezër që shpërndanin video dhe foto të armëve dhe lëndëve narkotike në rrjetet sociale, strukturat hetimore të Drejtorisë Vendore të Policisë Shkodër, në bashkëpunim me Forcën Operacionale dhe “Shqiponjat” e DVP Shkodër, finalizuan operacionin policor të koduar “Investigation”, në kuadër të të cilit u arrestuan në flagrancë shtetasit: F. M., 18 vjeç, E. M., 21 vjeç (vëllezër) dhe babai i tyre, shtetasi G. M., 50 vjeç, banues në fshatin Bardhaj, Njësia Administrative Rrethina, Bashkia Shkodër. Në vijim të veprimeve, gjatë kontrollit në banesën e këtyre shtetasve u gjetën dhe u sekuestruan në cilësinë e provës materiale: 2 kg e 34 gramë lëndë e dyshuar narkotike cannabis sativa, 1 armë zjarri, fishekë luftarak, 2 aparate celulare dhe 1 automjet. Materialet procedurale iu referuan Prokurorisë pranë Gjykatës së Shkallës së Parë Shkodër, për veprat penale “Prodhimi dhe shitja e narkotikëve“, “Mbajtja pa leje dhe prodhimi i armëve, armëve shpërthyese dhe municionit” dhe “Pastrimi i produktit të veprës penale ose veprimtarisë kriminale”.

(e.h/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

aktualitet aktualitet armë droge emirion mali florian mali gezim mali policia shkoder armë droge emirion mali florian mali gezim mali policia shkoder