Aktualitet

AKUZA e fortë, Basha: Berisha donte gjak në selinë e PD-së, donte vëllavrasje

10 Janar 2022, 13:16 Nga DOSJA

AKUZA e fortë, Basha: Berisha donte gjak në selinë e PD-së,

TIRANË– Kreu i Partisë Demokratike, Lulzim Basha deklaroi ditën e sotme se ish-kryeministri Sali Berisha donte të derdhej gjak në selinë blu. Teksa ishte i ftuar në emisionin “Pikat mbi I”, Basha u kërkoi falje demokratëve për atë që ndodhi më 8 janar, duke shtuar se e gjitha ishte orkestruar nga ish-kryeministri Sali Berisha. Basha tha se i ndihet falënderues atyre demokratëve që u thërritën në protestë për fasadë, e kur u bënë dëshmitar të dhunës, atëherë u distancuan.

“Nuk besoj se do ju jepja kohën për të ndarë përshtypjet e mia, kam disa mesazhe. Mesazhi i parë i drejtohet demokratëve që sot ndihen të turpëruar nga skenat e dhunës, barbarisë, të orkestruara e zbatuara nga mendja e sëmurë e Sali Berishës që u përpoq të bënte realitet atë që parlajmëroi, se nëse PD s’do të kthehej në bunker për të, atëherë PD nuk meritonte të ekzistonte. U përpoq ta bënte këtë në mënyrën më të shëmtuar. Këtë se meritonte PD.Mesazhi i parë që kam ndaj demokratëve është që është koha të jemi afër njëri-tjetrit, të themi të vërtetat siç janë bazuar në fakte. Gënjeshtra i ka këmbët e shkurtra. Berisha s’kishte ardhur thjesht me qëllimin për të shkaktuar vëllavrasje. Berisha donte gjakdershje mes demokratëve në 8 janarKjo tentativë ndryshoi edhe ndaj qëndrimit që mbajtën demokratët. I falenderoj për braktisjen reale që i bënë Berishës për të mbuluar skandalin e madh për t’u mbrojtur nga non grata amerikane.I falenderoj ata që u thërritën si fasadë dhe panë që kriminelët nisën dhunën, u distancuan. I kërkoj ndjesë të gjithë shqiptarëve, uroj që ato pamje të mos mbesin gjatë në kujtesë. Ajo s’është PD, është dhuna e një njeriu që është në dëshpërim, e që këtë ankth do t’ia faturojë shqiptarëve. Është kohët të rimëkëmbemi nga rrënojat e 8 janarit. Një PD ashtu siç e duan shumica e shqiptarëve, një parti normale, të hapur ndaj shoqërisë dhe halleve të qytetarëve”, tha Basha.

(a.b)/dosja.al

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

kryesore politike lulzim basha perplasje ne partine demokratike sali berisha lulzim basha perplasje ne partine demokratike sali berisha