Aktualitet

Operacioni “Alfa”, sekuestrohen mbi 8 kg kanabis në Kukës, arrestohet 1 person

10 Nëntor 2021, 19:35 Nga DOSJA

Operacioni “Alfa”, sekuestrohen mbi 8 kg kanabis në Kukës,

KUKËS- Tetë kilogramë dhe 691 gramë kanabis janë sekuestruar ditën e sotme në Kukës. Mësohet se nga operacioni policor “Alfa”, në Morinë me drogën e sekuestruar është arrestuar gjithashtu edhe 1 person me iniciale S.B 30 vjeç. Droga u kap në Morinë me ndihmën e Policisë së Kosovës, kufitaren dhe Policinë e Kukësit.

Njoftimi i Policisë:

Morinë, Kukës/ Finalizohet operacioni policor i koduar “Alfa”, për goditjen e veprimtarisë kriminale në fushën e trafikimit të lëndëve narkotike. Operacioni i zhvilluar nga Drejtoria Vendore e Policisë Kukës në bashkëpunim me Drejtorinë Vendore të Kufirit dhe Migracionit Kukës, autoritetet doganore të Morinës, si dhe Policinë e Kosovës. Sekuestrohet 8 kilogramë e 691 gramë lëndë narkotike e dyshuar kanabis. Vihet në pranga 1 shtetas.

Në vijim të punës për goditjen e veprimtarisë kriminale në fushën e trafikimit të lëndëve narkotike, si dhe në bazë të informacioneve të marra në rrugë operative nga strukturat hetimore të Drejtorisë Vendore të Policisë Kukës, për një sasi lëndë narkotike që do trafikohej drejt Kosovës, është organizuar dhe finalizuar me sukses operacioni policor i koduar “Alfa”, i zhvilluar nga strukturat e Drejtorisë Vendore të Policisë Kukës në bashkëpunim me Drejtorinë Vendore të Kufirit dhe Migracionit Kukës, autoritetet doganore të Morinës, si dhe Policinë e Kosovës.

Në kuadër të operacionit u bë arrestimi në flagrancë i shtetasit S. B., 30 vjeç, banues në Shkodër. Në dalje të Pikës Kufitare Morinë, gjatë kontrollit në vijën e dytë, në automjetin tip “Alfa Romeo” , me drejtues shtetasin S. B., në gomën rezervë u gjetën të fshehura 8 pako të mbështjella me celefon, brenda të cilave kishte lëndë narkotike të dyshuar kanabis, me peshë totale 8 kilogramë e 691 gramë. Vijojnë hetimet nën drejtimin e Prokurorisë së Rrethit Gjyqësor Kukës, për dokumentimin ligjor të përfshirjes të personave të tjerë në këtë aktivitet kriminal. Në cilësinë e provës materiale u sekuestrua lënda narkotike, si dhe automjeti tip “Alfa Romeo”. Materialet hetimore do ti kalojnë Prokurorisë Pranë Gjykatës së Shkallës së Parë Kukës, për veprën penale “Trafikimi i narkotikëve”.

(I.A/dosja.al)

Cila mendoni se është alternativa më e mirë:

View Results

aktualitet aktualitet arrestohet 1 person operacioni policor alfa policia e kukesit sekuestrohen mbi 8 kr kanabis arrestohet 1 person operacioni policor alfa policia e kukesit sekuestrohen mbi 8 kr kanabis