Politike

Ndërtimet në vend,Bylykbashi:Pastrimi i parave po e mban lart çmimin e apartamenteve

9 Nëntor 2021, 14:46 Nga DOSJA
Ndërtimet në vend,Bylykbashi:Pastrimi i parave po e mban lart

TIRANË– Deputeti i Partisë Demokratike, Oerd Bylykbashi deklaroi gjatë Komisionit të Ligjeve se ndërtimet në Tiranë dhe në Durrës po bëhen pa kriter dhe po kthehen në një problem shumë serioz. Teksa prezent në komision ishte dhe kryetari i Bashkisë së Tiranës, Erion Veliaj, Bylykbashi u shpreh se në sektorin e ndërtimeve janë bërë investime me anë të parave të pista.

Bylykbashi tha se nuk kishte asnjë lloj kërkese të lartë nga banorët për apartamente dhe se po shkatërrohej trashëgimia kulturore dhe historike e Durrësit dhe Tiranës.

DEKLARATA E BYLYKBASHIT:

Babëzia e ndërtimeve po shkatërron edhe Durrësin, po shkatërron historinë dhe arkeologjinë e këtij qytetit. Paraja kriminale po investohet në ndërtimet në Tiranë dhe jo vetëm, pastrimi i parave po e mban cmimin lart të apartamenteve jo kërkesa. Se kush janë hallet jo vetëm të bashkisë të Tiranës por edhe të bashkive të tjera, kolegët këtu I dinë dhe nuk është nevoja t’i përmend. Shqipëria nuk është vetëm Tirana.

Ka rënë jo vetëm demokracia por kemi centralizim. Heqim Tiranën se është shumë e madhe dhe mbledh shumë para. Po ja ku kemi Durrësin që borxhin vetëm të ujësjellësit e ka skandaloz. Janë histori që po cojnë drejt centralizimit të pushtetit. Është për të qeshur tabela sa i përket qarqeve të organeve kushtetuese. Më pas duhet t’i kërkojmë fonde qeverisë qëndrore pasi pushteti vendor nuk prodhon dot të ardhura. Kemi bashki që nuk japin dot asnjë shërbim në një territor kaq të vogël në 28 mijë kilometra katrorë. Në të gjithë këtë histori kemi një reformë territoriale të cilën e kemi si një nevojë therëse për ta bërë pa propagandë dhe por për njerëzit.Nëse do të merremi edhe me cështjen e pastrimit të parave, nëse fokusi I pushtetit vendor është si të japim sa më shumë leje se ashtu ka më shumë interes, sigurisht që bie interesi në qeverisje. Unë po jap një koment të fundit sepse janë qytetarët që na dëgjojnë. Theksoj se kur bëhen shpronësimet, kurrë mos harroni fondin e dëmshpërblimit të pronarëve të trojeve të cilët ende nuk kanë marrë asnjë dëmshpërblim.

(a.b)/dosja.al

Cila mendoni se është alternativa më e mirë:

View Results

politike politike komisioni i ligjeve 9 nentor 2021 oerd bylykbashi komisioni i ligjeve 9 nentor 2021 oerd bylykbashi

Sondazh

Poll

MË SHUMË