Politike

VD-Buxheti 2022 për Policinë e Shtetit, Nano: Do të bëhet pagesa për ‘orët e natës’!

9 Nëntor 2021, 10:23 Nga DOSJA

VD-Buxheti 2022 për Policinë e Shtetit, Nano: Do të bëhet

TIRANË-Gjatë prezantimit të projekt buxhetit 2022 për Policinë e Shtetit mori fjalën dhe drejtori i Policisë së Shtetit, Gledis Nano. Ai u shpreh se në vitin e ardhshëm synohet që të bëhet rritja e numrit të mjeteve, si dhe të bëhen pagesat për orët e punës. Nano u shpreh se për herë të parë shtesën prej 5% e përfitojnë edhe punonjësit që kanë gradën inspektorë.

‘Synohet rritja e numrit të mjeteve, referuar faktit se kemi rritur shkallën e modernizimit, pajisjet e gjurmimit dhe monitorimit në distancë, buxheti so të sigurojë riparimin e këtyre pajisjeve. Në vitin 2022 janë parashikuar me rritje me 81% më shumë se krahasuar me vitin aktual. Po ashtu, me rritjen e buxhetin e vitit 2022, do të bëhet pagesa e orëve të punës për ‘orët e natës’, mbi kohë e punës, trajtim të veçantë për 1179 punonjës policie që punojnë jashtë qendrës së banimit nga janari i vitit 2022 do marrin shtesë 50 % të pagës aktuale. Po ashtu, për herë të parë këtë shtesë e përfitojnë edhe punonjësit që kanë gradën inspektorë’- u shpreh Nano.