Aktualitet

Publikimi i përgjimeve të Dosjes 339, prokuroria nxjerr urdhër për të penguar mediet

5 Qershor 2019, 15:43 Nga DOSJA
Publikimi i përgjimeve të Dosjes 339, prokuroria nxjerr urdhër

Pas reagimit të Prokurores së Përgjithshme të Përkohshme Arta marku, lidhur me publikimin e përgjimeve nga e përditshmja gjermane BILD, mbi shitblerjen e votave, ka reaguar Prokuroria për Krimet e Rënda. 

Ajo ka nxjerrë një urdhër, ku ndalohet publikimi i informacioneve nga dosja 339 si nga shtypi ashtu edhe nga ndonjë tjetër formë. 

“Ndalimin e publikimit të akteve të procedimit penat Nr. 339, të vitit 2016, nëpërmjet shtypit ose çdo lloj forme tjetër informacioni masiv”, thuhet në urdhërin e Prokurorisë.

Ditën e sotme, gazeta gjermane “Bild” ka publikuar audiopërgjime të reja lidhur me “Dosjen 339”, një nga çështjet, hetimi i të cilës bëri që PD ta ketë si çështje kryesore në betejën për rrëzimin e qeverisë.Në përgjime dëgjohet Astrit Abdylaj, i cili përfshihet vetë në fushatën elektorale të PS. Avdyli kërkon që miku i tij, Elton Arbana të jetë pjesë e listës së deputetëve në Durrës, dhe vë në dukje mbështetjen që familja Avdyli ka për deputetin Ilir Ndraxhi. Në bisedat e publikuara Astrit Avdyli zotohet se rezultati i Partisë Socialiste në Durrës do të jetë spektakolar.

(B.B/ Dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

aktualitet aktualitet përgjimet e bild prokuroria urdhër për bllokimin e medieve përgjimet e bild prokuroria urdhër për bllokimin e medieve

Sondazh

Poll