Aktualitet

Përgjimet që tronditën politikën/ Kush janë 6 zyrtarët e lartë në dosjen 339/1

5 Qershor 2019, 14:39 Nga DOSJA
Përgjimet që tronditën politikën/ Kush janë 6

TIRANË- E përditshmja gjermane, “BILD” publikoi ditën e sotme 6 përgjime të reja nga dosja “339/1”, ku përmenden emrat e 6 zyrtarëve të lartë të Partisë Socialiste, si dhe komunikimi i disa prej tyre me kapobandën e Shijakut, Astrit Avdylajn. (Lexo këtu)

Personat me të cilët Avdylaj komunikon, apo i përmend në përgjimet telefonike të publikuara nga BILD, bashkëpunon për blerjen e votave, ku në një tyre shprehet “T’i japim një 10 me 0 që edhe ai vetë të habitet”.

Por kush janë 6 zyrtarët e përmendur në këto përgjime?

Një prej personave që ka komunikuar me Avdylajn, dhe që del nga këto përgjime, është Ivo Doçi, i cili është përgjegjësi i repartit të Shijakut që varet nga UKD.

Astrit Avdylaj ka komunikuar personalisht në telefon me Doçin, ku ndër të tjera thuhet:

Astrit Avdylaj: Dëgjo tani. Isha pak atje sot që ta takoja atë. Jam këtu me Elton Arbanën dhe me Dor Gallanin këtu. Nesër kur të kesh kohë ti me fol cik, me pa atë listën e punonjësve që mund ti kesh kundra. Ata që mund t’i kesh të PD-së aty. A e kupton? I dua të gjithë emrat që mund të kesh kundra.
Shef Sektori i Ujësjellësit në Shijak: I kam ndarë unë. I ke të ndara komplet.
Astrit Avdylaj: Ashtu
Shef Sektori i Ujësjellësit në Shijak: I kam ndarë më parë që t’i kishe gati ti
Astrit Avdylaj: Ashtu kur të kesh kohë se ne duhet t’i thirrim atyne që t’i tunim nga një cikë. O tek puna dhe të na japing rrogën, o tek shtëpia.

Në përgjime është përfolur Elton Arbana është një tjetër emër, i cili është kandidat për kryetar Bashkie në Shijak. Ai përmendet në bisedën mes Avdylajt dhe Doçit. Sipas Avdylajt, Arbana ishte me të kur po fliste në telefon me Shefin e Sektorit të Ujësjellësit në Shijak. Por veç kësaj, Avdylaj është përgjuar edhe në një bisedë me Arbanën, ku i thotë të ndërhyjë tek Artur Çela, drejtor i INUK Durrës, pasi sipas tij kishte gjobitur një fermë në Sukth.

Pjesë nga biseda:

Astrit Avdulaj: Ore ka shkuar në fermën e Sukthit duke vënë gjoba. Se Gjushi nuk është këtu. Është me Edin në Zvicër. Se ska me ca me ashtu…
Elton Arbana: Ke ndonjë emër konkret?
Astrit Avdulaj: Kujt? I ke vënë në fermë thuaj. Bëre gabim, se nuk e kam Gjushin këtu, a më kupton?
Elton Arbana: Ja ta marr tani direkt
Astrit Avdulaj: Dhe thuaj po vepron gabim o pis. Se s’dua të marr vetë.

Një tjetër personazh zyrtar i rëndësishëm është Ilir Ndraxhi, deputet i PS, ndërsa Arjan Ndraxhi është vëllai i tij. Në këtë përgjim Avdylaj teksa bisedon në telefon me kryetarin e Bashkisë Shijak, po ashtu i përfshirë në përgjime, thotë:

Pjesë nga biseda:

Astrit Avdulaj: He mo kryetar
Ardian Kokomani: Si je? Jam akoma këtej se sa kemi mbaruar dhe po hamë drekë.
Astrit Avdulaj: Të bëftë mirë po e di për ccfarë të mora? Nesër kemi një takim në orën 10 të mëngjësit. Unë, ti, Gjushi, Ilir Ndraxhi dhe Jupi (Vëllai i Ilirit) do pijmë një kafe në Durrës në orën 10:00.

Ani Dyrmishi, i cili asokohe ka mbajtur postin e Drejtorit të Hipotekës, ndërsa aktualisht është drejtor i Përgjithshëm i hekurudhave shqiptare, përmendet në një bisedë të përgjuar mes kryebashkiakut të Durrësit Vangjush Dakos dhe Astrit Avdylaj. Ndërkohë, një tjetër emër që përmendet në këto përgjime është Vath Alla, një qytetar nga Ishmi që pretendon një tokë në bregdetin e Kepit të Rodonit, dhe mik i afërt me Avdylajt.

Pjesë nga biseda:

Astrit Avdylaj: Dëgjo tani se do ta lemë çik më vonë se jam me çunat unë.
Vangjush Dako: Ku je ti?
Astrit Avdylaj: Te hipoteka po pres Anin, Ani do të vijë të të takojë ty apo…
Vangjush Dako: Ata janë atu apo ..
Astrit Avdylaj: Vath Allën e kam këtu drejpërdrejt, live, këtu në tavolinë.
Vangjush Dako: E mirë takohemi në Durrës atëherë…

Ditën e sotme, gazeta gjermane “Bild” ka publikuar audiopërgjime të reja lidhur me “Dosjen 339”, një nga çështjet, hetimi i të cilës bëri që PD ta ketë si çështje kryesore në betejën për rrëzimin e qeverisë.Në përgjime dëgjohet Astrit Abdylaj, i cili përfshihet vetë në fushatën elektorale të PS. Avdyli kërkon që miku i tij, Elton Arbana të jetë pjesë e listës së deputetëve në Durrës, dhe vë në dukje mbështetjen që familja Avdyli ka për deputetin Ilir Ndraxhi. Në bisedat e publikuara Astrit Avdyli zotohet se rezultati i Partisë Socialiste në Durrës do të jetë spektakolar.

(B.B/ Dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

aktualitet aktualitet ardian kokomani artur çela astrt avdylaj elton arbana ivo doçi përgjimet e bild vangjush dako ardian kokomani artur çela astrt avdylaj elton arbana ivo doçi përgjimet e bild vangjush dako

Sondazh

Poll

MË SHUMË