Krujë-Fabrika e çimentos TITAN, e vendosur në Thumanë të Krujës, që tashmë është kthyer në një rrezik për shëndetin e qytetarëve, vijon punën pa asnjë pengesë.
Dosja.al ka siguruar pamje nga fabrika gjatë momenteve të ndryshme dhe vihet re se ajo punon edhe natën, duke lëshuar ndotje të konsiderueshme në ajër. Theksojmë se kjo fabrikë shfrytëzon errësirën për të punuar pa filtra ajri duke sjellë dëme të konsiderueshme në shëndetin e 40 mijë qytetarëve, pasi ato shkaktojnë edhe kancer.
Në faqen “Lolita” një prej banorëve të zonës ka denoncuar se zëri i tyre nuk është dëgjuar edhe pse kanë protestuar për atë që e quajnë fabrikë vrasëse. Një prej tyre shfaqet i shqetësuar dhe shprehet se kjo fabrikë iu ka shkatërruar gjithçka, tokat, malet dhe shëndetin e tyre.
Ai tregon se asnjë premtim i dhënë nga kjo fabrikë nuk është mbajtur, pasi sipas tij nuk janë bërë as shpronësime, asnjë punësim. Madje ai shprehet se teksa kanë protestuar janë arrestuar edhe nga policia. Banorët kanë çuar këtë çështje deri në gjykatë por edhe aty nuk kanë marrë një zgjidhje.
“Ajo fabrika e Thumanës është ndërtuar në tokat e bukës së fshatit Picrragë, Krujë. Kur erdhën në fillim nga premtuan shpronësim të të gjithë fshatit dhe drita, ujë falas, plus për çdo shtëpi nga një të punësuar, dhe t’i dërgonin edhe në Greqi për specializim. Asnjëra nga këto nuk ndodhi, kjo fabrikë na shkatërroi tokat e bukës, na shkatërrojë malet, po na shkatërron jetën me ndotje. Kemi bërë protesta për gati një muaj, asnjë nga mediet e mëdha të vendit nuk vinte. E kemi hedhur në youtube nëpërmjet një medie, por s’po më kujtohet emri, dhe nga aty na i fshimë videon e protestës. Na arrestuan dhe na gjobiti shteti sepse protestuam paqësisht në tokat tona, për tokën dhe jetën tonë. Fshati tjetër afër nesh, Brret u morr me kontratë për 99 vjet nga kjo fabrikë për shfrytëzimin e argjiles që është aty në atë fshat. Të gjithë fshatrat u shpronësuan dhe ato që nuk kishin tokë i morën nga 25 mijë euro për familje. Ne si fshat hodhëm në gjyq fabrikën, kemi paguar mbi 40 mijë euro avokatët por edhe ata u kërcënuan dhe na morën ato lekë dhe asgjë nuk bënë. Sot është hera e parë që e shoh që nga një faqe e madhe të publikohet diçka për atë fabrikë. Do ju lutesha ta shpërndani dhe pse jo të hetoni diçka rreth kësaj fabrike vrasëse.”, shprehet një banor i zonës.
Për këtë fabrikë Drejtori i Zyrës së Ankesave të Konsumatorëve të Shqipërisë, Hasan Stafa është shprehur se 40 mijë konsumatorëve të zonave përreth ankohen çdo ditë pasi enden spitaleve për të bërë analiza,skanera, rezonanca për sëmundje të dyshuara të ardhura nga kontaminimi i tokës, ajrit, bimëve.
J.V/Dosja.al
Tirana është boshatisur për ditët e pushimit. Cilën nga ritet e shenjta po ndiqni:
Detaje te reja nga ngjarja ne Tirane, ku një efektiv i Gardës së Republikës u arrestua nga Shërbimi për Çështjet e Brendshme dhe Ankesat, pasi plagosi me...
Tiranë- Agron Tufa ka reaguar ndaj gazetarit Blendi Fevziu duke u shprehur se ky i fundit iu kërkon të ftuarve në emisionin “Opinion” që të mos përmendin emrin ...
Kukës- Pak minua më parë ka ndodhur një aksident në Krumë të Kukësit, ku janë përplasur dy automjete. Nga aksidenti janë plagosur 3 persona të cilën ndodhen për...
Fier- Gjatë mesnatës së sotme është gjetur e pajetë një grua rreth 70-vjeç në fshatin Ndërmënas, Libofshë.Mësohet se gruaja e cila është identifikuar s...
TIRANË- “Komunitetet fetare gjithmonë kanë qenë të gatshëm për të shprehur mendimin e tyre për situatën”. Kështu deklaroi në “Dritare me Rudinën” në News24...
GREQI– Policia greke ka shkatërruar një bandë shqiptarësh që kanë grabitur banesat e disa futbollistëve greke dhe të deputetes greke të Demokracisë së Re, Sofia...
TIRANË- Një rast i rëndë është trajtuar mbrëmjen e sotme nga emisioni “Stop” në Tv Klan, për drejtësinë shqiptare që ka dështuar sërish të bëjë drejtësi. B...
TIRANË- Gazetari i prestigjiozes gjermane Bild, Piter Tiede përmes një komunikimi për Fax News ditën e sotme ka paralajmëruar se një tjetër shkrim do të p...
TIRANË- Disa zona në kryeqytet do të vuajnë furnizimin me energji elektrike gjatë ditës së nesërme.Lajmi është bëri i ditur nga vetë Operatori i Shpërndarj...
TIRANË- Pedagogu dhe aktivisti Ervin Goci ka qenë i ftuar në studion e Fax News, ku ka komentuar dhe hyrjen në fuqi të vendimit të qeverisë, për ngritjen e...