Politike

Basha-Ramës nga Mati: S’ka as 1/1000 e nderit të Theresa May, në të kundërt do ishte dorëhequr

24 Maj 2019, 15:47 Nga DOSJA
Basha-Ramës nga Mati: S’ka as 1/1000 e nderit të Theresa May,

MAT- Kryetari i Partisë Demokratike, Lulzim Basha ka zhvilluar një takim me qytetarët e Matit, ku teksa i ftoi për protestën e nesërme, u shpreh se nga i njëjti vend ka nisur 3 muaj më parë rrugëtimin së bashku me qytetarët që gjithsescili të marrë në dorë fatin e vet.

“Në këtë sallë të mbushur si asnjëherë më parë jo thjeshtë me qytetarë dhe qytetare të Matit, por me entuziazmin dhe shpresën për ndryshimin që po vjen. Nuk e harroj se më 14 shkurt vetëm dy ditë para protestës madhështore të 16 shkurtit, që diktoi me vullnetin e mandateve dhe rreshtimin e opozitës krah për krah me qytetarët, takimin e fundit e zhvillova këtu në Mat, në Burrel. Në fakt nisi si një takim dhe përfundoi si një miting madhështor. Ishte akoma dimë, ishte ftohtë. Ishte një ditë e ftohtë dimri, por mbaj mend se nuk e ndjeva të ftohtin, ndjeva nxehtësinë e pranverës që po vjen. Dhe ja ku jemi sot, 3 muaj pas bashkimit të madh të 16 shkurtit, shqiptarët janë më të bashkuar, më të qartë, më të prerë se kurrë për të marrë në dorë fatin e tyre, për t’ia shkulur nga thonjtë oligarkisë, krimit të Edi Ramës, Shqipërinë”, – tha Basha.

Sipas kryedemokratit, tashmë “E ardhmja e fëmijëve tanë, e ardhmja e shqiptarëve nuk do të jetë kurrë më në duart e krimit, në duart e hajdutëve që vjedhin votat, shkatërrojnë institucionet për interesat e tyre, sepse nga tani ajo do të jetë në duart tuaja”.

Më tej ai shtoi se “Prej 6 vitesh thika e së keqes ka shkuar në palcën e çdo shqiptari, 6 vite më rradhë ditë për ditë e javë për javë”.

Duke u ndalur tek dorëheqja e kryeministres britanike Theresa May, Basha u shpreh se Rama po të kishte sa 1/1000 e nderit të saj do kishte dhënë dhjetëra herë dorëheqje.

“Edi Rama po të kishte pasur një të njëmijëtën e nderit dhe dinjitetit të tereza mayt, apo Sebastian Kurtz, apo të një kryeministri normal ballkanik, do të ishte larguar me dhjetëra herë. Do të ishte larguar kur u zbulua se solli në parlament trafikantët e vajzave dhe grave shqiptare, narkotrafikantët dhe vrasësit dhe i bëri deputetë. Për pushtetin e tij kriminal;izoi parlamentin. Duhet të ishte larguar kur u zbulua se nën urdhrat e tij dhe të yllit të tij Saimir Tahiri Shqipëria u shndërrua në një hambar droge dhe në një bahçe të krimit të organizuar. Duhet të ishte larguar kur ministri tjetër Fatmir Xhafa u kap me skandalin e vëllait të tij që e mbronte, duhet të ishte larguar kur Damian Gjiknuri u kap në vjedhje pas vjedhjeje, nga skandali i OSHEE tek skandali i Unazës së Madhe.
Edi Rama nuk ka as të njëmitën e dinjitetit dhe nderit të asnjë kryeministri në botë. JO, Edi Rama nuk ka nder, nuk ka dinjitet, ka vetëm kusari, etje të babëzitur për pushtet që e shtyn në paktin e tmerrshëm me krimin.”, – tha Basha.

(B.B & A.S/ Dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

politike politike basha ne burrel edi rama lulzim basha rama pa nder theresa may basha ne burrel edi rama lulzim basha rama pa nder theresa may

Sondazh

Poll

MË SHUMË