Art&Argëtim

Elton Deda një ‘shuplakë të fortë’ ndaj atyre që gjykuan Jonida Maliqin: Histeri kolektive e injorantëve

17 Maj 2019, 11:17 Nga DOSJA
Elton Deda një ‘shuplakë të fortë’ ndaj atyre

TIRANË– Të gjithë vunë re anglishten ‘e çalë’ të Jonida Maliqit gjatë një konferencë për shtyp në Tel Aviv, por disa artistë i kanë dalë në mbrojtje këngëtares, duke e kritikuar pafund mënyrën se si e trajtuan shqiptarët anglishten e Jonidës. Një ndër to është dhe artisti i mirënjohur i skenës shqiptare, Elton Deda.

Ai ka përcjellë një mesazh ‘ndërgjegjësimi’ për të gjithë publikun që t’i lenë artistët të bëjnë punën e tyre. Eltoni e ka nisur shkrimin e tij me Manjola Nallbanin, që ka mbajtur një koncert. Duke përmbledhur dy urime në një postim, këngëtari ka nxjerrë në pah boshllëkun shpirtëror të njerëzve.

“Kjo ditë e bukur me diell ( hëpërhë), përtej mynxyrave politike dhe gjendjes depresive që kalojnë të gjithë shqiptarët, u hap me ndjenja të bukura dhe pozitivitet. Mbrëmë, Manjola Nallbani këndoi jo vetëm për njerëzit në sallë, por për të gjithë shpirtërat e lodhur të artistëve shqiptarë. E shoqërova bashkë me muzikantë të mëdhenj në këtë rrugëtim të bukur dhe të them të drejtën e kam shijuar shumë koncertin. Kaloi shumë shpejt, nuk e kuptova fare kur arriti në këngën e fundit. Kishte në sallë shumë kolegë të cilët i pashë gati në mallëngjim dhe kjo është e natyrshme. Në duam gjëra të bukura, kaq e thjeshtë është. Dhe vetëm njerëz të mëdhenj, por modestë si Manjola dinë t’i shërbejnë aq bukur në art. Urimi im për Manjolën është që të mos ndalojë këtu pasi artistët e mëdhenj ndalojnë vetëm kur ndalon ora. Ka shumë akoma për të dhënë.

Ndjenja tjetër e bukur ishte kualifikimi i Jonidës. Histeria kolektive e disa injorantëve që u morën me nivelin e anglishtes së saj, u kthye në një dashuri të pafundme direkt. Kjo tregon që një pjesë e shoqërisë sonë vuajnë nga hipokrizia, mos-pasje boshti dhe boshllëk shpirtëror. Merreni si këshillë miqësore, lerini artistët të bëjnë punën e vet dhe bëni dhe ju ndonjë punë se nuk del keq. Shumë suksese e dashur Jonida dhe të jesh e qetë pasi muzika ka vetëm një gjuhë universale, që e kuptojnë të gjithë.”- shkruan Elton Deda në profilin e tij në Facebook.

 

(R.L/Dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

showbiz showbiz anglishtja elton deda jonida maliqi koncert tel aviv anglishtja elton deda jonida maliqi koncert tel aviv

Sondazh

Poll

MË SHUMË