SHQIPËRI– Bizneset e huaja transferuan më pak fitime jashtë vendit vitin e kaluar. Mbështetur në të dhënat e Bilancit të Pagesave, vitin e kaluar flukset dalëse në zërin e të ardhurave nga investimet për vitin 2020 kishin vlerën e 541 milionë eurove, në rënie me 5.1% krahasuar me vitin 2019. Megjithatë, në tremujorin e fundit këto flukse shënuan një rritje të ndjeshme krahasuar me tre tremujorët e mëparshëm, por edhe me të njëjtën periudhë të një viti më parë.
Sidoqoftë, po të shohim tendencën historike, vlera e fitimeve nga investimi të nxjerra jashtë vendit ngelet në nivele të larta. Pavarësisht rënies vjetore, flukset dalëse në këtë zë kishin vlerën e dytë më të madhe në 12 vitet e fundit. Pandemia e Covid-19 solli një goditje të fortë në ekonomi dhe pasiguri të shtuar për të ardhmen. Në një situatë të tillë, ishte e pritshme që shumë biznese të pezullonin shpërndarjen e dividendëve, për të forcuar kapitalizimin e kompanive. Për kompanitë që veprojnë si bankat apo kompanitë e sigurimeve, shpërndarja e fitimeve u pezullua përkohësisht përmes vendimeve të autoriteteve rregullatore.
Vlera relativisht e lartë e fitimeve të transferuara tregon se efekti i krizës në këtë drejtim nuk ka qenë shumë drastik. Megjithatë, një faktor me ndikim në këtë tregues është edhe rritja e detyrimeve te jorezidentët në vitet e fundit, sidomos nga qeveria shqiptare. Sipas të dhënave nga Ministria e Financave, për vitin 2020 qeveria shqiptare shpenzoi 12 miliardë lekë ose rreth 97 milionë euro për interesat e borxhit të jashtëm. Kjo shumë është afërsisht sa 18% e flukseve dalëse në zërin e të ardhurave nga investimet.
Gjatë vitit 2020 flukset hyrëse, të kuptuara si të ardhurat e ekonomisë shqiptare nga investimet jashtë vendit, u rritën lehtë në 94 milionë euro, nga 90 milionë euro që kishin qenë një vit më parë. Ky është niveli më i lartë i shënuar prej vitit 2017. Rënia e flukseve dalëse dhe rritja e lehtë e atyre hyrëse e përmirësoi disi bilancin neto të të ardhurave nga investimet në ekonominë shqiptare. Për vitin 2020 deficiti në këtë zë ishte 448 milionë euro, në rënie me 6.5% krahasuar me një vit më parë.
Ky bilanc për Shqipërinë është historikisht negativ, sepse ne jemi një vend pritës i investimeve të huaja, sidomos në instrumente të kapitalit, por edhe të borxhit. Kjo sjell edhe dalje periodike të të ardhurave në formën e dividendëve që shoqëritë me kapital të huaj shpërndajnë te aksionerët e tyre jashtë vendit ose në formën e interesave për titujt financiarë të huamarrjes./ E.Shehu
(f.m/dosja.al)
Rama është propozuar për president nga disa deputetë socialiste, mendoni se:
SHQIPËRI– Të gjithë të punësuarit, që gjatë vitit 2020 kanë pasur dy punë, pavarësisht shumës që janë paguar në secilën prej tyre, do të duhet të dek...
TIRANË– Përzgjidhet fituesi i projektit për portin turistik të Vlorës. Ministria e Infrastrukturës dhe Energjisë ka njoftuar zyrtarisht se bashkimi i përk...
TIRANË– Pandemia Covid -19 ka krijuar vështirësi në tregun e punës duke cenuar kryesisht grupet më të prekshme, gratë dhe të rinjtë. Të dhënat e INST...
TIRANË– Rindërtimi dhe situata e pandemisë kanë orientuar institucionet drejt tenderëve me negocim pa shpallje paraprake ndërkohë që nuk kanë munguar...
Pamundësia financiare për të përballuar kostot i ka kthyer rafinuesit shqiptarë të vajit ushqimor në tregtarë importi. Tarifat e larta të vajit grexho, që impor...
Industria e marketingut iu përshtat dinamikës së pandemisë në vitin 2020 e në vazhdim. Një nga trendet më popullore është “dhurimi” apo “lojërat shpërblyese”(gi...
Investimet e huaja në vitin 2020 ishin 933 milionë euro, sipas statistikave të bilancit të pagesave të publikuara nga Banka e Shqipërisë. Në raport me një viti ...
Kriza e shkaktuar nga pandemia dhe pasojat që solli ajo, duket se i kanë bashkuar më shumë familjet me njëra tjetrën, ndonëse fizikisht larg.Të dhënat e publiku...
Turizmi ka qenë sektori më i goditur në vitin 2020. Pandemia, që filloi nga mesi i marsit bllokoi të gjitha udhëtimet për një periudhë disa mujore, por dhe më p...