TIRANË– Pas futjes së vaksinës, Pfizer, AstraZeneca dhe Sputnik, qeveria shqiptare ka miratuar marrëveshjen për të marrë edhe vaksinën kineze Coronavac, e krijuar nga kompania Sinovac.
Sipas Aktit Normativ, miratohet marrëveshja me kompaninë turke “Keymen Ilaç Sanayi ve ticaret” për të furnizuar Shqipërinë me vaksina të krijuara nga “Sinovac Life Science CoLtd’ dhe të prodhuar në Republikën Popullore të Kinës.
Burime për Dosja.al, bëjnë me dije 300 mijë vaksina do të vijnë nga Kina në fillim të muajt prill, por megjithatë ende nuk ka asgjë zyrtare se në cilën datë do të vijnë.
Ndërkohë, sipas Aktit Normativ, të miratuar nga qeveria e vendit tonë më 10 mars, marrëveshja për furnizimin do bëhet ndërmjet ministres së Shëndetësisë Ogerta Manastirliu dhe ministrit të Shtetit për Rindërtimin, Arben Ahmetaj.
Në akt thuhet se blerja e vaksinave do të përballohet nga fondi rezervë i buxhetit të shtetit për vitin 2021
Akti Normativ i plotë:
AKT NORMATIV Nr. 9, datë 22.3.2021
“1. Miratimin e tekstit të marrëveshjes ndërmjet, Ministrisë së Shëndetësisë dhe Mbrojtjes Sociale, ministrit të Shtetit për Rindërtimin dhe Institutit të Shëndetit Publik dhe distributorit të autorizuar “Keymen Ilaç Sanayi ve ticaret”A.Ş., për furnizimin e Republikës së Shqipërisë me vaksinën e inaktivizuar kundër COVID-19 (Vero Cell) Coronavac, të krijuar nga Sinovac Life Science Co Ltd. dhe të prodhuar në Republikën Popullore të Kinës, sipas tekstit që i bashkëlidhet këtij akti normativ.
2. Marrëveshja për furnizimin ndërmjet Ministrisë së Shëndetësisë dhe Mbrojtjes Sociale, ministrit të Shtetit për Rindërtimin dhe Institutit të Shëndetit Publik dhe “Keymen Ilaç Sanayi veticaret” A.Ş., për shkak të sekretit tregtar dhe kërkesës së shprehur në marrëveshje nga “Keymen Ilaç Sanayi veticaret”, nuk do të publikohet në asnjë ëebsite të institucioneve apo në Fletoren Zyrtare.
3. Të gjitha institucionet e përfshira në dhënien e mendimit, të miratimit apo që janë pjesë e procesit kanë detyrimin të mos bëjnë publike marrëveshjen bashkëlidhur këtij akti normativ apo pjesë të saj.
4. Detyrimet e organeve shtetërore dhe përjashtimet nga detyrimet për furnizimin e vaksinës anticovid, të përcaktuara në aktin normativ nr. 1, datë 10. 1.2021, të Këshillit të Ministrave, të ndryshuar, janë të njëjta edhe për furnizimin e vaksinës së inaktivizuar kundër COVID-19 (Vero Cell), Coronavac të krijuar nga Sinovac Life Science Co Ltd. dhe të prodhuar në Republikën Popullore të Kinës, të furnizuar për Shqipërinë nga Keymen Ilaç Sanayi veticaret A.Ş., sipas kushteve të tekstit të marrëveshjes bashkëlidhur këtij akti normativ.
Neni 2
Efektet financiare, që rrjedhin nga marrëveshja bashkëlidhur këtij akti normativ, përballohen nga fondi rezervë i buxhetit të shtetit për vitin 2021.”
3 vaksina kundër koronavirusit, kanë mbërritur deri më tani në vendin tonë. Fillimisht ka ardhur vaksina Pfizer, me të cilën u bë vaksinimi i bluzave të bardha dhe i të moshuarve mbi 80-vjeç. Më pas në vendin tonë, ka arritur dhe vaksina AstraZeneca, me të cilën menjëherë nisi vaksinimi i mësueve. Ndërkohë ditën e djeshme arritën 10 mijë doza të vaksinës Ruse Sputnik, të cilat sipas një njoftimi të Kryeministrisë, u bë e ditur se ishin dhuratë nga Emiratet e Bashkuara.
(A.k.dosja.al)
Rama është propozuar për president nga disa deputetë socialiste, mendoni se:
TIRANË- Kolegji Posaçëm i Apelit ka lënë në fuqi vendimit e Komisionit te Pavarur të Kualifikimit duke e përjashtuar për 15 vite nga sistemi i drejt...
TIRANË– Gjykata e Posaçme Kundër Korrupsionit dhe Krimit të Organizuar ka dënuar me 14.2 vite burg Astrit Beqirin dhe Dhmitër Shkodranit, të cilët ...
ELBASAN– Dy mjekë dhe një infermier, janë infektuar me koronavirus, pasi kanë marrë vaksinën kundër koronavirusit, Pfizer.Burime për Dosja.al bëjnë me dije se p...
FIER- Detaje të reja janë mësuar nga ngjarja e ndodhur ditën e sotme në fshatin Agim të Libofshës ku një 74-vjeçar u gjet i mbytur në pus.Burime për Abcn...
TIRANË– Gjykata e Tiranës ka dënuar më 16 vite burg Noel Dishin, i cili vrau me armë zjarri Vilson Tafçiun në Astir, ngjarje e ndodhur në jana...
BULQIZË– Videoja që po shikoni vjen nga Bulqiza, aty ku helikopteri mori një 10-vjeçar të plagosur për ta sjellë në Tiranë për ndihmë mjekësore të s...
ITALI– 150 pacientë shqiptarë janë vënë nën hetim pasi akuzohet se kanë mashtruar sistemin shëndetësor në mënyrë që të përfitonin trajtimin falas për sëmundjen ...
BULQIZË– Një 10-vjeçar është plagosur dhe ndodhet në gjendje të rëndë shëndetësore. Dosja.al ka mësuar se i mituri me incialet F.B., po luante në ak...
TIRANË – Në 48 orët e fundit, Policia Rrugore ka arrestuar 13 shoferë dhe ka vendosur 2012 masa administrative për shkelje të rregullave të qarkullimit rru...
VLORË– Spitali i Vlorës ka dhënë një deklaratë në lidhje me skandalin që u transmetua ditën e djeshme në media. Ishte qytetarja Anila Zeqiri ajo e cila den...
