Aktualitet

Sherr masiv në Rrogozhinë! Tre të plagosur, dy me armë zjarri. Policia rrethon zonën, bllokohet makina e autorit (EMRAT)

8 Mars 2021, 11:42 Nga DOSJA
Sherr masiv në Rrogozhinë! Tre të plagosur, dy me armë

RROGOZHINË– Tre të rinj të plagosur në Rrogozhinë. Sherri mes të disa të rinjve, i nisur në kompleksin ‘Ergen’ në fshatin Sinaballaj të Rrogozhinës, ka përfunduar me dy të rinj të plagosur me armë zjarri, ndërsa një tjetër ka mbetur i plagosur me sende të forta.

Burime për Dosja.al bëjnë me dije se i plagosur në këmbë me armë zjarri ka mbetur 22-vjeçari Klajdi Lluca, i cili është dërguar me urgjencë në spitalin e Durrësit, ku ndodhet jashtë rrezikut për jetën. Po ashtu i plagosur me armë zjarri është edhe 28-vjeçari Ervin Juba, ndërsa i vëllai Jurgeni, 24 vjeç është lënduar me sende të forta.

Ngjarja ka ndodhur paraditen e sotme, ndërkohë që mbetet e paqartë sesi ka nisur sherri mes të rinjve, pasi ende nuk ka asnjë njoftim zyrtar lidhur me ngjarjen nga ana e Policisë së Shtetit. Ndërsa grupi hetimor ndodhet në vendngjarje dhe po punon për sqarimin e plotë e rrethanave të ngjarjes. 

Gjithë çfarë dihet deri më tani, është se efektivët e Policisë së Shtetit kanë bllokuar automjetin që dyshohet se është përdorur nga autori për t’u larguar nga vendi i ngjarjes, ndërsa vijon puna për kapjen e këtij të fundit.

(k.m/dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet ervin juba jurgen juba klajdi lluca plagoset klajdi lluca plagosje ne rrogozhine ervin juba jurgen juba klajdi lluca plagoset klajdi lluca plagosje ne rrogozhine

Sondazh

Poll

MË SHUMË